Roeiers vertrek op Rio-vaart

Karlis Bardelis en Gints Barrowskis, die twee avonturiers van Letland wat Suiderlanders die laaste sowat twee weke deel gemaak het van hul voorbereidings, het Woensdagoggend met hul seetog van Lüderitz af oor die Atlantiese Oseaan begin.
Hull bestemming? Rio de Janeira aan die kus van Brasilië.
Die twee moet daarvoor sowat 6 000 km aflê en wil oor sowat 90
dae by hul bestemming voet aan wal sit.
Hulle pak hierdie sweet- en soutwateravontuur aan in ’n 7 m-lange roeiboot en het genoeg voorrade aan boord om die tog te oorleef.
Die boot is ook toegerus met ’n ontsoutingstoestel sodat hulle verseker is van vars water.
Hulle wil betyds vir die Olim­piese Spele in Rio de Janeiro aankom, het hulle vroeër aan Republikein gesê.
Hulle is nie die eerste roeiers wat dié tog vanuit Lüderitz aanpak nie.
Kaptein Amyr Khan Klink, ’n Brasiliaan, het Lüderitz in Junie 1984 in ’n spesiaal-ontwerpte reddingsboot verlaat om manalleen oor die Atlantiese Oseaan na Brasilië te roei. Die vaart was deel van ’n navorsings­projek oor oorlewing en hy het 100 dae later by Sao Salvador in Brasilië aan wal gestap.