Robert kry weer Haaie se nr. 10-trui

Die eksperiment met Curwin Bosch op losskakel en Robert du Preez op binnesenter is vir eers deur die Haaie vir môre se Curriebeker-halfeindstryd teen die Goue Leeus in Durban gebêre.Bosch, wat 'n rare kans in die nr. 10-trui gegun is in verlede naweek se brood-en-botter sege oor Griekwas in Kimberley, skuif terug heelagter toe. Du Preez begin weer op losskakel en dié skuif beteken dat Marius Louw op binnesenter terugkeer.'n Paar swaargewigte is ook weer op hul pos. Dan du Preez, agtsteman, en Thomas du Toit, vaskopstut, is in die beginspan nadat hulle op die nippertjie aan die wedstryd teen Griekwas onttrek is.Du Toit se insluiting beteken dat die Haaie se ander Springbok-vaskopstut, Coenie Oosthuizen, hom op die plaasvervangersbank gaan bevind. Dan du Preez vervang vir Tyler Paul.Die Haaie se span: Curwin Bosch, Sbu Nkosi, Jeremy Ward, Marius Louw, Lwazi Mvovo, Robert du Preez, Louis Schreuder (k), Daniel du Preez, Tyler Paul, Jacques Vermeulen, Hyron Andrews, Gideon Koegelenberg, Thomas du Toit, Akker van der Merwe, Juan Schoeman. Reserwes: Chiliboy Ralepelle, Mzamo Majola, Coenie Oosthuizen, Luke Stringer, Jean-Luc du Preez, Cameron Wright, Leolin Zas, Aphelele Fassi.– Netwerk24

Robert kry weer Haaie se nr. 10-trui

Kommentaar

Republikein 2025-07-07

Meld asseblief aan om kommentaar te lewer

Robert kry weer Haaie se nr. 10-trui

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie