Ricardo Gustavo se appèl teen weiering van borgtog misluk
Ronelle Rademeyer - Die appèl van mnr. Ricardo Gustavo (44, foto), gewese kliëntediens-direkteur by Investec Asset Management Namibia, vroeër vandeesmaand in die hoërhof in Windhoek teen sy mislukte borgtogaansoek in die landdroshof, is van die hand gewys.
Regter Kobus Miller het Dinsdag bevind hy is nie oortuig dat landdros Johannes Shuuveni se besluit om borgtog te weier, verkeerd was nie.
Gustavo is op 27 November verlede jaar saam met die gewese minister van visserye en mariene hulpbronne, mnr. Bernhard Esau, in hegtenis geneem op klagte wat uit die Fishrot-korrupsieskandaal voortspruit.
Kort daarna het die voormalige minister van justisie, mnr. Sacky Shanghala, Gustavo se voormalige baas by Investec, mnr. James Katuikulipi, laasgenoemde se neef, Tamson (Fitty) Hatuikulipi - wat ook Esau se skoonseun is, en mnr. Pius Mwatelulo ook verband met dié beweerde grootskaalse bedrog en korrupsie met die verkoop van viskwotas in hegtenis geneem.
Shuuveni het in sy uitspraak in die borgtogaansoek gesê dit is nie die openbare belang om hom op borgtog bry te laat nie.
Regter Kobus Miller het Dinsdag bevind hy is nie oortuig dat landdros Johannes Shuuveni se besluit om borgtog te weier, verkeerd was nie.
Gustavo is op 27 November verlede jaar saam met die gewese minister van visserye en mariene hulpbronne, mnr. Bernhard Esau, in hegtenis geneem op klagte wat uit die Fishrot-korrupsieskandaal voortspruit.
Kort daarna het die voormalige minister van justisie, mnr. Sacky Shanghala, Gustavo se voormalige baas by Investec, mnr. James Katuikulipi, laasgenoemde se neef, Tamson (Fitty) Hatuikulipi - wat ook Esau se skoonseun is, en mnr. Pius Mwatelulo ook verband met dié beweerde grootskaalse bedrog en korrupsie met die verkoop van viskwotas in hegtenis geneem.
Shuuveni het in sy uitspraak in die borgtogaansoek gesê dit is nie die openbare belang om hom op borgtog bry te laat nie.
Kommentaar
Republikein
Geen kommentaar is op hierdie artikel gelaat nie