Riaan kry Filistyne se spogprys vir 2021
Vier van United se spelers het vanjaar toetsrugby gespeel.
Andrew Poolman
Die skrumskakel Riaan van Zyl het met die hoogste toekenning (sportman van die jaar) weggestap toe Trustco United-rugbyklub onlangs sy jaareindfunksie en prysuitdeling vir 2021 afgehandel het.
Dit was 'n moeilike seisoen vir die Filistyne, wat ondanks hul status as verdedigende titelhouer van 2019 in die Namibië Rugby-unie se premierliga net een ligawedstryd uit sewe kon wen en aan die onderpunt van die agt spanne geëindig het.
“Sportman van die jaar is ons klub se hoogste toekenning en is bedoel vir spelers wat tot op nasionale vlak uitgestyg het. Riaan het vanjaar die eerste keer die nasionale vyftienmanspan gehaal en het as skrumskakel beide toetse teen Ivoorkus en Madagaskar in Abidjan begin,” sê Winmar Rust, voorsitter en afrigter van United.
Die haker Gerhard Thirion is as speler van die jaar aangewys.
“Dit was 'n redelik gelykop besluit tussen Riaan en Gerhard, wat beide op die nasionale toer na Ivoorkus was en ook vir die klub goeie rugby gespeel het.”
Vir Namibië se November-deelname aan die Wêreldrugby Stellenbosch-uitdaagtoernooi teen Kenia, Zimbabwe en Brasilië het United ook twee verteenwoordigers opgelewer, naamlik die stutte Gerhard Opperman en Jason Benade.
Oor United se seisoen en die vooruitsigte vir 2022 sê Rust: “Dit was 'n taai seisoen, eers met beserings en die twee rooi kaarte en skorsings (ná die openingswedstryd teen FNB Unam) en daarna die lang onderbreking (van die Covid-19-inperking).
“Ons het nietemin ook goeie tekens gesien. 'n Paar belowende spelers het by ons aangesluit en van ons ervare spelers wat vanjaar weens beserings of ander omstandighede nie beskikbaar was nie, kan volgende jaar terug wees. Ons het dus 'n grondslag waarop ons kan voortbou.”
Die volledige lys van pryswenners:
Sportman van die jaar: Riaan van Zyl.
Player van die jaar: Gerhard Thirion.
Beste verdediger: Thomas van der Westhuizen.
Meeste drieë: Hanreco van Zyl en Regardt de Meyer (drie elk).
Beste junior vordering: Zander Bronkhorst (slot, gekies vir die gekanselleerde Namibië o.20-toer na Kenia).
Beste senior vordering: Vernon Motinga.
Mees toegewyde speler: Moses Sakeus.
Mees waardevolle speler vir die tweede span: Wimpie van der Merwe.
Beste voorspeler vir die tweede span: Vernon Motinga.
Beste agterspeler vir die tweede span: Felix Humphries.
Klublid van die jaar: Bernice Doman (senior spanbestuurder en komiteelid vir borgskappe).
– [email protected]
Die skrumskakel Riaan van Zyl het met die hoogste toekenning (sportman van die jaar) weggestap toe Trustco United-rugbyklub onlangs sy jaareindfunksie en prysuitdeling vir 2021 afgehandel het.
Dit was 'n moeilike seisoen vir die Filistyne, wat ondanks hul status as verdedigende titelhouer van 2019 in die Namibië Rugby-unie se premierliga net een ligawedstryd uit sewe kon wen en aan die onderpunt van die agt spanne geëindig het.
“Sportman van die jaar is ons klub se hoogste toekenning en is bedoel vir spelers wat tot op nasionale vlak uitgestyg het. Riaan het vanjaar die eerste keer die nasionale vyftienmanspan gehaal en het as skrumskakel beide toetse teen Ivoorkus en Madagaskar in Abidjan begin,” sê Winmar Rust, voorsitter en afrigter van United.
Die haker Gerhard Thirion is as speler van die jaar aangewys.
“Dit was 'n redelik gelykop besluit tussen Riaan en Gerhard, wat beide op die nasionale toer na Ivoorkus was en ook vir die klub goeie rugby gespeel het.”
Vir Namibië se November-deelname aan die Wêreldrugby Stellenbosch-uitdaagtoernooi teen Kenia, Zimbabwe en Brasilië het United ook twee verteenwoordigers opgelewer, naamlik die stutte Gerhard Opperman en Jason Benade.
Oor United se seisoen en die vooruitsigte vir 2022 sê Rust: “Dit was 'n taai seisoen, eers met beserings en die twee rooi kaarte en skorsings (ná die openingswedstryd teen FNB Unam) en daarna die lang onderbreking (van die Covid-19-inperking).
“Ons het nietemin ook goeie tekens gesien. 'n Paar belowende spelers het by ons aangesluit en van ons ervare spelers wat vanjaar weens beserings of ander omstandighede nie beskikbaar was nie, kan volgende jaar terug wees. Ons het dus 'n grondslag waarop ons kan voortbou.”
Die volledige lys van pryswenners:
Sportman van die jaar: Riaan van Zyl.
Player van die jaar: Gerhard Thirion.
Beste verdediger: Thomas van der Westhuizen.
Meeste drieë: Hanreco van Zyl en Regardt de Meyer (drie elk).
Beste junior vordering: Zander Bronkhorst (slot, gekies vir die gekanselleerde Namibië o.20-toer na Kenia).
Beste senior vordering: Vernon Motinga.
Mees toegewyde speler: Moses Sakeus.
Mees waardevolle speler vir die tweede span: Wimpie van der Merwe.
Beste voorspeler vir die tweede span: Vernon Motinga.
Beste agterspeler vir die tweede span: Felix Humphries.
Klublid van die jaar: Bernice Doman (senior spanbestuurder en komiteelid vir borgskappe).
– [email protected]
Kommentaar
Republikein
Geen kommentaar is op hierdie artikel gelaat nie