RG terug; blaaskans wink vir staatmakers

Michael Green – ’n Welkome blaaskans wag vir ’n paar Springbokke ná die fisieke toetsreeks teen die Britse en Ierse Leeus wat Saterdag ten einde geloop het.Die Bokke het Sondag in Gqeberha (Port Elizabeth) aangekom vir die eerste van twee toetse teen Argentinië in die Nelson Mandelabaai-stadion.Hoewel die Poemas ook as ’n span bekend is wat die kole voorlangs met ’n bietjie histerie kan gooi, sal daar tog ’n paar ander plaaslike spelers teen hulle in aksie wees.“Ons het ’n groot groep gekies met die doel om so goed as moontlik vir die seisoen voorberei te wees,” sê Jacques Nienaber, die Bokke se hoofafrigter.“Daar is sommige spelers wat deel was van die aanvanklike groep van 46 vir ons kondisioneringskamp in Junie wat nog nie ’n kans gekry het nie, so ons sal in die volgende paar weke kyk of ons vir hulle ook ’n kans kan gee.“Dit is belangrik dat ons die spelers goed bestuur om die standaarde wat ons vir onsself gestel het, kan volhou en dit sluit wedstrydtyd vir party spelers en rus vir ander wat ’n swaar las die laaste paar weke gedra het, in.”Hoewel daar dus glo nie enige spelers is wat Saterdag in die derde en beslissende toets teen die Leeus in Kaapstad – wat die Bokke met 19-16 gewen het – ernstige beserings opgedoen het nie, kan die span vir die eerste kragmeting met die Poemas ietwat anders lyk.Die slot RG Snyman het hom ook nou weer by die Bokke aangesluit nadat hy in Junie in ’n fratsvoorval in Ierland brandwonde opgedoen het.Duane Vermeulen (agtsteman), Rosko Specman (vleuel), Jaden Hendrikse (skrumskakel) en Johan Grobbelaar (haker) het hulle reeds verlede week by die groep aangesluit.So, wie gaan speel en wie gaan uitsit? Dalk kry voorrymanne soos Thomas du Toit en Wilco Louw minstens ’n kans op die plaasvervangersbank.Marvin Orie sal sekerlik op slot iewers in die prentjie kom. So ook die losvoorspeler Dan du Preez.Agterlangs is daar manne soos Jesse Kriel, Sbu Nkosi en Elton Jantjies wat weer opgeroep kan word.Pieter-Steph du Toit, wat ’n skouerbesering in die tweede toets teen die Leeus opgedoen het, se naam verskyn nie in die groep nie. Dis nog onduidelik hoe lank hy op die krukkelys gaan wees.• Die Bokke se groep is:Voorrymanne: Thomas du Toit, Steven Kitshoff, Vincent Koch, Wilco Louw, Frans Malherbe, Ox Nché, Trevor Nyakane.Hakers: Joseph Dweba, Johan Grobbelaar, Malcolm Marx, Bongi Mbonambi.Slotte: Lood de Jager, Eben Etzebeth, Nicolaas Janse van Rensburg, Franco Mostert, Marvin Orie, RG Snyman.Losvoorspelers: Siya Kolisi, Kwagga Smith, Marco van Staden, Duane Vermeulen, Jasper Wiese, Dan du Preez.Veelsydige voorspeler: Rynhardt Elstadt.Skrumskakels: Faf de Klerk, Jaden Hendrikse, Herschel Jantjies, Cobus Reinach.Losskakels: Elton Jantjies, Handré Pollard, Morné Steyn.Senters: Lukhanyo Am, Damian de Allende, Jesse Kriel.Buite-agterspelers: Aphelele Fassi, Cheslin Kolbe, Willie le Roux, Makazole Mapimpi, Sbu Nkosi, Rosko Specman.Veelsydige agterspelers: Damian Willemse, Frans Steyn. – Netwerk24FOTO’sRG Snyman is terug by die Bokke en kan in die komende weke sy terugkeer tot die span maak. Foto Gallo ImagesDie voorryman Thomas du Toit kan dalk as plaasvervanger vir die toetse teen die Poemas oorweeg word. Foto Gallo Images

RG terug; blaaskans wink vir staatmakers

Kommentaar

Republikein 2025-05-12

Meld asseblief aan om kommentaar te lewer

RG terug; blaaskans wink vir staatmakers

Kommentaar

Republikein 2025-05-12

Meld asseblief aan om kommentaar te lewer

MELD AAN

Advertensie