Respek, dissipline en gesondheid

Octavia Tsibes

Die Hoërskool A. Shipena is in die hartjie van Katutura geleë.

Deur die vorige leerlingraad se swak punte te neem en daarop te verbeter, word die pad vorentoe vir hul nuutverkose leerlingraad aangedui.

Een van die belangrikste aspekte waarop die skool se nuwe leerlingraad wil fokus, is respek, gesondheid en akademiese prestasie.

David Nekundi (hoofseun), sê wanneer leerlinge respek vir hul medemens het, sal hulle ook akademies presteer.

’n Tekort aan dissipline is een van die redes waarom skole nie presteer nie.

"Dissipline is die belangrikste bydraende faktor tot die sukses van enige skool. Ons wil sessies met die leerlinge hê om te bepaal wat die werklike oorsaak van swak prestasie is. Dit sal ons ook help om te sien waar ons kan help met die skool se bestuur," voeg die hoofseun (Naam? Van?) by.

Die leerlingraad is vol planne om die skool weer ’n topskool te maak. Hulle wil graag 'n klub stig waar diegene wat akademies sukkel deur die seniors gehelp kan word.

'Met ’n knal begin'

"'n Skool se reputasie moet nooit bepaal word deur sy ligging, of deur die prestasies van die verlede nie. Die Hoërskool A. Shipena is 'n skool met visie. Hierdie visie is onderrig en leer deur die handhawing van die standaard as toppresterende skool in die Khomasstreek. Om dit alles te bereik, het ons 'n waaksame leerlingraad nodig wat gereed is om te help wanneer en waar nodig, maar wat steeds uitblink op akademiese gebied," het mnr. Moses Haufiku, waarnemende hoof, gesê.

Haufiku het verder gesê hoewel die leerlingraad eers twee weke gelede verkies is, is hulle baie aktief.

“Ek was aanvanklik nie so seker nie, maar hulle het my verkeerd bewys, hulle het met 'n met knal begin,” het hy gesê.

“Respek kom nie net deur woorde sonder aksie nie. Die ander leerlinge moet die leerlingraad se teenwoordigheid voel.

"Die leerlingraad moet ook hulself respekteer.

"Om dissipline in die skool te handhaaf, is die prefekte aan groepe leerlinge toegesê. Elke prefek is ’n klas- of graadvoog.

"Wat eintlik van ons verwag word, is om na die klaskamer en voorkoms van die leerling te kyk en die leerling se gedrag te monitor," het die hoofmeisie, Inasha Ngairo, gesê.

Sewe eienskappe van 'n suksesvolle leier:

1. Hy moet respek waardig wees.

2. Hy moet 'n duidelike visie hê met integriteit, eerlikheid en nederigheid.

3. Hy moet die mense met wie hy werk, ken en hul vermoëns verstaan.

5. Hy moet effektief kan kommunikeer.

6. Hy moet fokus op resultate wat bereik moet word.

7. Hy moet eties wees.