Reserwebank stuit 'Gupta-maatskappy'
'n Maatskappy wat beweerde bande met die Guptas het, het Reserwebank-regulasies oortree deur vals dokumente aan Mercantile Bank voor te lê.
Homix, wat as 'n sogenaamde posbusmaatskappy sake doen, het probeer om byna R14,5 miljoen na 'n rekening in Hongkong te stuur.
'n “Posbusmaatskappy” word gestig met die doel om regs- en belastingverpligtinge te omseil. Hoewel sulke maatskappye daarop aanspraak maak dat hulle ekonomies aktief is, bestaan die maatskappy net op papier en word sy enigste sake gedoen by die posadres waar hy korrespondensie ontvang.
Die beweerde oortreding het aan die lig gekom toe die Reserwebank vandeesweek in die parlement 'n vraag beantwoord het wat deur die DA se Natasha Mazzone aan hom gevra is.
Daarby het 'n ondersoek wat deur FinSurv vir die Reserwebank gedoen is en in Desember 2016 voltooi is, getoon dat “Homix op verskeie geleenthede onwettig buitelandse valuta vanuit Suid-Afrika oorgedra het,” het die Reserwebank onthul.
Vir meer as 'n jaar het die joernalistieke ondersoekdiens amaBhungane ondersoek ingestel na die wyse waarop Homix honderdmiljoene rand in die geheim versteek het. Dit was oënskynlik terugbetalings van maatskappye wat met Transnet sake gedoen het, volgens The Huffington Post, wat op 8 Desember daaroor berig het.
Drie dae later het die Reserwebank se adjunkpresident, Kuben Naidoo, 'n bevel onderteken wat geld aan die staat verbeurd verklaar het wat Homix in Mercantile Bank gedeponeer het. Die bevel is in die Staatskoerant van 30 Desember gepubliseer. Dit is ook dieselfde dag waarop die geld – R14 472 075 – asook enige rente wat daarop verdien is, as verbeurd verklaar is.
In sy parlementêre antwoord sê die Reserwebank hy het die saak by die Suid-Afrikaanse Polisiediens aangemeld “vir verdere stappe wat nodig geag word vanuit 'n strafregtelike oogpunt”.
Die finansiële toesigdepartement van die Reserwebank het op 29 Mei 2015 'n bevel uitgereik wat die onttrekking van alle geld verbied wat Homix in krediet het by Mercantile Bank.
“Op daardie tydstip het Homix aansoek gedoen by Mercantile Bank om buitelandse valuta oor te dra na Morningstar International Trade Bpk. van Hongkong, oënskynlik vir die doel om vir voorheen ingevoerde goedere te betaal.
“Die saldo in die rekening was in daardie stadium R14 472 075. Die betrokke bevel is uitgereik omdat daar 'n vermoede bestaan het dat Homix die Reserwebank se valutabeheermaatreëls oortree het deurdat hy vals dokumente aan Mercantile Bank aangebied het ter ondersteuning van hierdie uitstaande buitelandse valutatransaksies.”
Mercantile Bank is bewus van die kennisgewing wat in die Staatskoerant gepubliseer is, het die bank in 'n verklaring gesê.
“Mercantile voldoen ten volle aan die Reserwebank en die Raad op Finansiële Dienste se reëls en regulasies vir finansiële instellings en sal aan die beslagleggingsbevel voldoen in ooreenstemming met die toepaslike voorwaardes van die valutabeheer-regulasies.”
Die Reserwebank sê in die verklaring hy is verbind tot die vertroulikheidsreëls tussen 'n bank en sy kliënte wat hom daarvan weerhou om enige inligting oor sy kliënt te deel.
Stefaans Brümmer, Susan Comrie en Sam Sole van amaBhungane berig dat die hofstukke wat by die hooggeregshof in Johannesburg ingedien is, regstreekse bewyse lewer van Gupta-betrokkenheid by Homix.
“Nadat Homix aan die kaak gestel is, het 'n waarskynlik afgeronde bedrag van 10% van die eerste jaar se betaling op 'n ander groot Transnet-kontrak sy pad na die Gupta-beheerde TNA Media gevind,” sê hulle.
Die bedrag, R17 miljoen, is na bewering deur die twee maatskappye “skoongewas” deur gebruik te maak van 'n teruggedateerde kontrak en die uitreiking van vals fakture voordat dit by TNA, uitgewer van The New Age, beland het, toon die hofstukke. -Netwerk24/Fin24
'n “Posbusmaatskappy” word gestig met die doel om regs- en belastingverpligtinge te omseil. Hoewel sulke maatskappye daarop aanspraak maak dat hulle ekonomies aktief is, bestaan die maatskappy net op papier en word sy enigste sake gedoen by die posadres waar hy korrespondensie ontvang.
Die beweerde oortreding het aan die lig gekom toe die Reserwebank vandeesweek in die parlement 'n vraag beantwoord het wat deur die DA se Natasha Mazzone aan hom gevra is.
Daarby het 'n ondersoek wat deur FinSurv vir die Reserwebank gedoen is en in Desember 2016 voltooi is, getoon dat “Homix op verskeie geleenthede onwettig buitelandse valuta vanuit Suid-Afrika oorgedra het,” het die Reserwebank onthul.
Vir meer as 'n jaar het die joernalistieke ondersoekdiens amaBhungane ondersoek ingestel na die wyse waarop Homix honderdmiljoene rand in die geheim versteek het. Dit was oënskynlik terugbetalings van maatskappye wat met Transnet sake gedoen het, volgens The Huffington Post, wat op 8 Desember daaroor berig het.
Drie dae later het die Reserwebank se adjunkpresident, Kuben Naidoo, 'n bevel onderteken wat geld aan die staat verbeurd verklaar het wat Homix in Mercantile Bank gedeponeer het. Die bevel is in die Staatskoerant van 30 Desember gepubliseer. Dit is ook dieselfde dag waarop die geld – R14 472 075 – asook enige rente wat daarop verdien is, as verbeurd verklaar is.
In sy parlementêre antwoord sê die Reserwebank hy het die saak by die Suid-Afrikaanse Polisiediens aangemeld “vir verdere stappe wat nodig geag word vanuit 'n strafregtelike oogpunt”.
Die finansiële toesigdepartement van die Reserwebank het op 29 Mei 2015 'n bevel uitgereik wat die onttrekking van alle geld verbied wat Homix in krediet het by Mercantile Bank.
“Op daardie tydstip het Homix aansoek gedoen by Mercantile Bank om buitelandse valuta oor te dra na Morningstar International Trade Bpk. van Hongkong, oënskynlik vir die doel om vir voorheen ingevoerde goedere te betaal.
“Die saldo in die rekening was in daardie stadium R14 472 075. Die betrokke bevel is uitgereik omdat daar 'n vermoede bestaan het dat Homix die Reserwebank se valutabeheermaatreëls oortree het deurdat hy vals dokumente aan Mercantile Bank aangebied het ter ondersteuning van hierdie uitstaande buitelandse valutatransaksies.”
Mercantile Bank is bewus van die kennisgewing wat in die Staatskoerant gepubliseer is, het die bank in 'n verklaring gesê.
“Mercantile voldoen ten volle aan die Reserwebank en die Raad op Finansiële Dienste se reëls en regulasies vir finansiële instellings en sal aan die beslagleggingsbevel voldoen in ooreenstemming met die toepaslike voorwaardes van die valutabeheer-regulasies.”
Die Reserwebank sê in die verklaring hy is verbind tot die vertroulikheidsreëls tussen 'n bank en sy kliënte wat hom daarvan weerhou om enige inligting oor sy kliënt te deel.
Stefaans Brümmer, Susan Comrie en Sam Sole van amaBhungane berig dat die hofstukke wat by die hooggeregshof in Johannesburg ingedien is, regstreekse bewyse lewer van Gupta-betrokkenheid by Homix.
“Nadat Homix aan die kaak gestel is, het 'n waarskynlik afgeronde bedrag van 10% van die eerste jaar se betaling op 'n ander groot Transnet-kontrak sy pad na die Gupta-beheerde TNA Media gevind,” sê hulle.
Die bedrag, R17 miljoen, is na bewering deur die twee maatskappye “skoongewas” deur gebruik te maak van 'n teruggedateerde kontrak en die uitreiking van vals fakture voordat dit by TNA, uitgewer van The New Age, beland het, toon die hofstukke. -Netwerk24/Fin24
Kommentaar
Republikein
Geen kommentaar is op hierdie artikel gelaat nie