'Renosterstropers' skiet glo op polisie
Een beskuldigde het Maandag in die landdroshof op Tsumeb verskyn, terwyl 'n ander verdagte in die hospitaal is en vier op vrye voet.
Francoise Steynberg
Twee Namibiese mans sal nou ook van poging to moord aangekla word nadat hulle glo 'n renoster in die Onguma-wildreservaat agtervolg het en op die polisie losgebrand het.
Dié voorval het volgens die Namibiese polisie se misdaadverslag Vrydag om 07:45 op dié luukse private wildreservaat plaasgevind, wat aan die oostelike grens van die Etosha Nasionale Park by die Namutoni-hek geleë is.
Volgens die polisie het hulle ses gewapende mans gevolg wat die wildreservaat betree het.
“Die verdagtes het op die polisie geskiet en die polisie het teruggeskiet. Een verdagte (24) is in die been gewond en die ander een (25) het geval en beserings aan sy gesig opgedoen,” sê die polisie.
Die twee verdagtes is in hegtenis geneem en in die Tsumeb-distrikshospitaal onder polisiebewaking opgeneem.
Die polisie is nog op soek na vier ander verdagtes en geen vuurwapens is al gevind nie. Die polisieondersoek duur voort.
HOFVERSKYNING
Die polisiewoordvoerder van die Oshikotostreek, insp. Ellen Nehale, het gister teen druktyd aan Republikein bevestig dat mnr. Paulus Kavanga (25) van die Omundaungilo-nedersetting in die Ohangwenastreek, wel Maandag in die landdroshof op Tsumeb verskyn het.
“Die 24-jarige verdagte van Kongola in die Zambezistreek is egter nog in die hospitaal,” het Nehale gesê.
Die saak is tot 30 Augustus uitgestel. Mnr. Jonathan Strijbis, die Onguma-wildreservaat se bestuurder, het die voorval bevestig.
Die reservaat is 34 000 hektaar groot en bestaan uit vyf lodges en twee kampeerterreine.
“Ons sterk teenstropingseenheid het die spore van ses verdagtes gevolg en 'n groot operasie is van stapel gestuur. Selfs helikopters is ingestuur om die verdagtes te help opspoor,” het Strijbis aan Republikein gesê.
Hy het ook bevestig dit is die tweede voorval in twee maande waartydens die polisie vermeende renosterstropers op dié wildreservaat in hegtenis geneem het.
Einde Junie is mnre. Benjamin Tjifutji (42) en Kahyata Matheus (40) in hegtenis geneem ná hulle glo met 'n jaggeweer, ammunisie, 'n byl en 10 l water in hul besit gevind is.
Volgens die ministerie van die omgewing en toerisme is 25 renosters tot dusver vanjaar gestroop teenoor verlede jaar se totale stropingsyfer van 27.
Van die 25 renosters wat vanjaar gestroop is, was 13 in die Etosha Nasionale Park, ses op private plase en ses onder bewaringskap.
In Januarie is twee gestroop, ses in Februarie , vyf in Maart en April onderskeidelik, vier in Mei en drie in Junie.
Twee Namibiese mans sal nou ook van poging to moord aangekla word nadat hulle glo 'n renoster in die Onguma-wildreservaat agtervolg het en op die polisie losgebrand het.
Dié voorval het volgens die Namibiese polisie se misdaadverslag Vrydag om 07:45 op dié luukse private wildreservaat plaasgevind, wat aan die oostelike grens van die Etosha Nasionale Park by die Namutoni-hek geleë is.
Volgens die polisie het hulle ses gewapende mans gevolg wat die wildreservaat betree het.
“Die verdagtes het op die polisie geskiet en die polisie het teruggeskiet. Een verdagte (24) is in die been gewond en die ander een (25) het geval en beserings aan sy gesig opgedoen,” sê die polisie.
Die twee verdagtes is in hegtenis geneem en in die Tsumeb-distrikshospitaal onder polisiebewaking opgeneem.
Die polisie is nog op soek na vier ander verdagtes en geen vuurwapens is al gevind nie. Die polisieondersoek duur voort.
HOFVERSKYNING
Die polisiewoordvoerder van die Oshikotostreek, insp. Ellen Nehale, het gister teen druktyd aan Republikein bevestig dat mnr. Paulus Kavanga (25) van die Omundaungilo-nedersetting in die Ohangwenastreek, wel Maandag in die landdroshof op Tsumeb verskyn het.
“Die 24-jarige verdagte van Kongola in die Zambezistreek is egter nog in die hospitaal,” het Nehale gesê.
Die saak is tot 30 Augustus uitgestel. Mnr. Jonathan Strijbis, die Onguma-wildreservaat se bestuurder, het die voorval bevestig.
Die reservaat is 34 000 hektaar groot en bestaan uit vyf lodges en twee kampeerterreine.
“Ons sterk teenstropingseenheid het die spore van ses verdagtes gevolg en 'n groot operasie is van stapel gestuur. Selfs helikopters is ingestuur om die verdagtes te help opspoor,” het Strijbis aan Republikein gesê.
Hy het ook bevestig dit is die tweede voorval in twee maande waartydens die polisie vermeende renosterstropers op dié wildreservaat in hegtenis geneem het.
Einde Junie is mnre. Benjamin Tjifutji (42) en Kahyata Matheus (40) in hegtenis geneem ná hulle glo met 'n jaggeweer, ammunisie, 'n byl en 10 l water in hul besit gevind is.
Volgens die ministerie van die omgewing en toerisme is 25 renosters tot dusver vanjaar gestroop teenoor verlede jaar se totale stropingsyfer van 27.
Van die 25 renosters wat vanjaar gestroop is, was 13 in die Etosha Nasionale Park, ses op private plase en ses onder bewaringskap.
In Januarie is twee gestroop, ses in Februarie , vyf in Maart en April onderskeidelik, vier in Mei en drie in Junie.
Kommentaar
Republikein
Geen kommentaar is op hierdie artikel gelaat nie