Renosterkarkas by Grootberg gevind

Twee horings op toneel gevind

19 May 2017 | Omgewing
Francoise Steynberg - Nóg 'n renosterkarkas is Dinsdag omstreeks 10:00 by Kliprivier naby Grootberg Lodge in die Kunenestreek deur renosterbewaarders gevind.

Volgens die Namibiese polisie se misdaadverslag is die renoster se twee horings op die toneel gevind. Die polisie het die toneel Woensdag besoek en twee koeëlpunte in die nek van die renosterkarkas gevind. Dit is vir ballistiese toetse weggestuur.

Die renoster was glo vir 'n geruime tyd vermis. Niemand is nog in hegtenis geneem nie en die polisie se ondersoek duur voort.

Volgens die woordvoerder van die ministerie van die omgewing en toerisme, mnr. Romeo Muyunda, is altesaam agt renosters vanjaar gestroop met die jongste geval wat die totaal op nege te staan bring.

Kliprivier loop sedert 2015 onder renosterstropers deur en verskeie karkasse is al daar gevind.

Die karkas van 'n gestroopte swartrenosterkalf is ook in Maart vanjaar in die omgewing van Kliprivier naby Grootberg Lodge deur renosterbewaarders van die #Khoadi//Hôas kommunale bewaringsgebied gevind toe hulle op patrollie was. Grootberg Lodge is in 'n gesamentlike vennoot­skap met lede van dié bewarings­gebied.

Volgens die polisie het dié karkas sowat twee kilometer vanaf die renosterbewaarders se kamp gelê en die horings van die renoster is met 'n onbekende skerp voorwerp verwyder.

Die polisieondersoek by die toneel het aangedui dat die renoster geskiet is en 'n koeël is in die karkas gekry. 'n Patroondoppie is ook naby die karkas ontdek. Dit is nie bekend wanneer die kalf gestroop is nie.

Die ballistiese bewyse wat op die toneel gevind is, is na die nasionale forensiese wetenskap-instituut vir analise gestuur.

Muyunda het ook bevestig dat 'n renosterkarkas Dinsdag by die Frans Indongo Lodge, noordoos van Otjiwarongo, gevind is, maar stropery word nie vermoed nie. 'n Ondersoek om die oorsaak van die renoster se dood vas te stel, sal wel gedoen word.

Volgens die ministerie van die omgewing en toerisme se amptelike statistieke is altesaam 59 renosters verlede jaar in die land gestroop, 95 renosters in 2015, 56 in 2014 en nege in 2013.

Soortgelyk

 

Studie-debakel vir Namibiërs in Zambië

2 dae gelede | Gesondheid

Die ministerie van gesondheid en maatskaplike dienste is deur die Namibiese hoë kommissariaat in Zambië gewaarsku dat twee universiteite in dié buurland waar 91 Namibiese...

Meatco heroorweeg BTW-besluit

2 dae gelede | Landbou

Nuus van Meatco se herinstelling van die betaling van 15% BTW (belasting op toegevoegde waarde) op alle beestransaksies by die abattoir, is deur die NLU...

Slaggate teen einde Julie herstel

2 dae gelede | Infrastruktuur

Die munisipaliteit van Windhoek verwag dat alle slaggate van die hoofstad se paaie teen einde Julie herstel sal wees. Die woordvoerder van die munisipaliteit, me....

Onderwyseres ‘ontvoer’ skoolmeisie glo vir seks

2 dae gelede | Howe

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer...

Sokkerkoors loop hoog!

2 dae gelede | In beeld

Die opening van 2018 se Wêreldbekersokkertoernooi het gister by die Luzhniki-stadion in Moskou plaasgevind. Nagenoeg 80 000 sokkerliefhebbers het die seremonie bygewoon en die immerbekende...

Vakbond, regering stamp kop oor huishulpe

2 dae gelede | Arbeid

Augetto Graig – Die permanente sekretaris in die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, sê daar steek geen waarheid in die Namibiese...

Vaarwel aan Daantjie Louw

2 dae gelede | Mense

Tielman van Lill - “Stil, broers, daar gaan ‘n man verby, hy groet, en dis verlaas . . . ”Só is die woorde van die...

Netumbo by slenters betrek

2 dae gelede | Ministeries

Denver Kisting – Slenters doen tans die ronde waarby die adjunk- eerste minister en die minister van internasionale betrekkinge en samewerking, me. Netumbo Nandi-Ndaitwah, betrek...

Weer vir 15 Junie 2018

2 dae gelede | Weer

WEERWAAK: ‘n Koue front en buie word in die ||Kharasstreek en suidelik kus verwag.BINNELAND: Gedeeltelik bewolk en koud tot matig in die Suide met enkele...