Renosterkalf ‘n bedorwe brok van Omaruru

Des Erasmus - ‘n Verdwaasde wesie van die velde is nou die troetelkind van die boeregemeenskap tussen Kalkfeld en Omaruru en van bewaringsbewustes wat omgee. Dit gaan goed met Chobe, die swartrenosterkalf wat deur mense van ‘n dood van honger en van dors gered is nadat eers ‘n renosterbul en sowat ‘n week later sy koei deur wildstropers vir hul horings geskiet is. Toe by die oorskot van die koei aangekom is, het deelnemers eers ‘n fyn, maar duidelike onbekende geroep gehoor. Toe ‘n tweede keer. Toe is op die weerlose kalfie van ‘n geskatte vier weke afgekom. Eensklaps was daar mensesorg vir die kleinding. Aan sy lyf was daar nog die bloed van die koei, ‘n duidelike aanduiding dat die outjie vergeefs na ‘n speen gesoek het met die koei wat met die doodskoot op haar pens geval het.Nadat sy lewensredders hom na ‘n veilige hawe naby ‘n opstal gebring het, is by veeartse en dieetkundiges navraag gedoen oor sy voeding. Melk, maar dit moes vetvry wees. Dus moes dit melk met ‘n lang raklewe en spesiale poeiermelk wees. ‘n Volgende stap was ‘n groot melkbottel met ‘n groot tiet. Heel gou het die bederf posgevat en is die springlewendige kleinding se dieet 12 liter per dag volgens die voorskrif. Die kalf is nie net fris en gesond nie, maar selfs parmantig wanneer hy nie sy sin kry nie, sê mnr. Alexander Steyn van Omaruru se distrikswag, een van die instansies wat by die opvolgoperasie ná die veldmoord betrokke was. “Die kalf kap sommer met die kop wanneer iets hom nie aanstaan nie,” sê Steyn."Chobe" het sy menseouers die kalf gedoop. Een van die beweringe waarmee sy bewaarders rekening hou, is dat so ‘n renosterkalf tot op die ouderdom van drie jaar aan die koei kan drink. ‘n Moeilike tydjie lê dus nog voor.Terselfdertyd is die melkgeeëry ‘n duur proses. Nou al is 12 liter melk per dag een van Chobe se eise.Die kalf se lot het mense aangegryp en tot ‘n bystandsgroepie gelei. Sy lewensloop is ook uitgeknip met ‘n veilige hawe wat wag wanneer die suigeling eendag groot is. Tot dan sal die kalf deurlopend onder streng, maar sagte bewakingsoë bly.

Renosterkalf ‘n bedorwe brok van Omaruru

Kommentaar

Republikein 2025-12-22

Meld asseblief aan om kommentaar te lewer

Renosterkalf ‘n bedorwe brok van Omaruru

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.