Renosterkalf by Grootberg gestroop

Francoise SteynbergDie karkas van 'n gestroopte swartrenosterkalf is verlede Woensdag in die omgewing van Kliprivier naby Grootberg Lodge gevind.Volgens 'n woordvoerder van die polisie, adj.komm. Edwin Kanguatjivi, is die karkas omstreeks 08:30 Woensdag deur 'n renosterbewaarder van die #Khoadi//Hôas kommunale bewaringsgebied in die Kunenestreek gevind toe hy op patrollie was. Die karkas het sowat twee kilometer vanaf die renosterbewaarders se kamp gelê.“Die horings van die renoster is met 'n onbekende skerp voorwerp verwyder,” het Kanguatjivi gesê. “Ondersoek by die toneel dui aan dat die renoster geskiet is en 'n koeël is in die karkas gekry. 'n Patroondoppie is ook naby die karkas ontdek.”Die ballistiese bewyse wat op die toneel gevind is, sal na die nasionale forensiese wetenskap-instituut vir analise gestuur word vir, sê die woordvoerder.Dit is nie bekend wanneer die kalf gestroop is nie en die waarde van die dier word op sowat N$500 000 beraam. Volgens Kanguatjivi is niemand is nog in dié verband in hegtenis geneem nie.Hy sê 'n helikopter is gestuur om te help soek na die stropers en nog karkasse in die omgewing. Kliprivier loop sedert 2015 onder renosterstropers deur, met verskeie karkasse wat al daar gevind is. Hierdie renoster is die derde een wat vanjaar gestroop is. Dit sluit in een witrenoster wat verlede jaar op 'n plaas naby Gobabis deur stropers gewond is, maar vroeg vanjaar aan haar ernstige beserings beswyk het. Verlede jaar is altesaam 59 renosters in die land gestroop. Volgens die ministerie van die omgewing en toerisme se amptelike statistieke is 95 renosters in 2015 gestroop, 56 in 2014 en 9 in 2013.

Renosterkalf by Grootberg gestroop

Kommentaar

Republikein 2025-12-22

Meld asseblief aan om kommentaar te lewer

Renosterkalf by Grootberg gestroop

Kommentaar

Republikein 2025-12-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.