Renosterhorings ís op skandeerders gesien

Francoise Steynberg – Die 18 renosterhorings is inderdaad Woensdagoggend in die bagasie van die vermeende Chinese renosterhoringsmokkelaar mnr. Ye Zhiwei by die skandeerders van die Internasionale Lughawe Hosea Kutako raakgesien. Die Namibiese Lughawensmaatskappy (NAC) het Donderdagaand in ’n e-pos aan Republikein bevestig dat Ye in transit van Hosea Kutako was en “ondersoeke het ook aan die lig gebring dat die onwettige horings by die skandeerders van die passasiertransit-gebied waargeneem is”.Die bemarkingsbeampte van die NAC, mnr. Dan Kamati, het in die e-pos bevestig dat opvolgondersoeke gedoen gaan word om “te bepaal waarom en hoe die passasier toegelaat is om deur te gaan”. Voglens Kamati sal die ondersoek deur die betrokke rolspelers saam met lugvaartsekuriteit uitgevoer word. ’n Woordvoerder van die polisie, komm. Edwin Kanguatjivi, het ook bevestig dat ’n polisieondersoek aan die gang is oor wie aan diens was by die skandeerders op die lughawe toe Ye deurgeglip het. Die 28-jarige Ye was Woensdagoggend op ‘n vroeë oggendvlug vanaf Hosea Kutako na die Internasionael Lughawe O.R. Tambo in Johannesburg en is Woensdagmiddag deur die Valke op dié lughawe met die 18 horings in sy reistasse betrap. Hy was op pad om op ’n vliegtuig van die Suid-Afrikaanse Lugdiens na Hongkong te klim toe die Valke se eenheid vir ernstige georganiseerde misdaad hom voorgekeer en sy reistasse deursoek het.Ye is onmiddellik in hegtenis geneem. Die horings was in sy tasse verseël en die waarde beloop miljoeneYe het Vrydag vlugtig in die hof in Kemptonpark in Suid-Afrika verskyn weens die oortreding van die Wet op Nasionale Omgewingsbestuur wat bedreigde spesies reguleer. Hy bly in aanhouding. Ye sal weer Woensdag 30 November in die hof verskyn om die geleentheid te kry om ’n formele borgtogaansoek in te dien.Die gewig van die horings is meer as 43 kg. Ye het volgens sy bagasie-etikette in besigheidsklas met vlug SA73 om 06:40 na OR Tambo gevlieg. Daarna sou hy met vlug SA286 om 17:55 na Hongkong vlieg en dan na sy eindbestemming met vlug KA286 om 17:35 (Hongkong-tyd) na sy eindbestemming, Fuzhou in die Fujian-provinsie in suidoostelike China.Op dieselfde dag wat Ye met die renosterhorings gevang is, het die ministerie van die omgewing en toerisme bevestig dat sewe gestroopte renosterkarkasse in November in die Etosha Nasionale Park ontdek is.Vanjaar is altesaam 47 renosters in Namibië gestroop en 69 olifante vir hul ivoor.

Renosterhorings ís op skandeerders gesien

Kommentaar

Republikein 2025-11-04

Meld asseblief aan om kommentaar te lewer

Renosterhorings ís op skandeerders gesien

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.