Renoster naby stad gestroop
Francoise Steynberg
'n Renoster is Vrydag 'n hanetree vanaf Windhoek gestroop en die horings verwyder.
Die jongste voorval van renosterstropery is gister deur die skakelhoof van die Namibiese polisie (Nampol), adj.komm. Edwin Kanguatjivi, bevestig.
Dié renoster is een van twee renosters wat op 'n plaas naby Aris, suidoos van die hoofstad, geskiet is. Die ander renoster is glo gekwes, maar gaan die aanval oorleef.
Volgens Kanguatjivi word 'n gesamentlike ondersoek tans deur Nampol en die ministerie van die omgewing en toerisme uitgevoer. "Geen verdere inligting is beskikbaar nie," het hy gesê .
Volgens die woordvoerder van die ministerie, mnr. Romeo Muyunda, bring dit die land se renosterstropingsyfer op 28 vanjaar te staan, teenoor 2016 se 60.
Met teenstropingseenhede en sekuriteit wat in die land se nasionale parke opgeskerp is om wildstropery te voorkom, word private plase en lodges met renosters toenemend geteiken.
'n Renoster is Vrydag 'n hanetree vanaf Windhoek gestroop en die horings verwyder.
Die jongste voorval van renosterstropery is gister deur die skakelhoof van die Namibiese polisie (Nampol), adj.komm. Edwin Kanguatjivi, bevestig.
Dié renoster is een van twee renosters wat op 'n plaas naby Aris, suidoos van die hoofstad, geskiet is. Die ander renoster is glo gekwes, maar gaan die aanval oorleef.
Volgens Kanguatjivi word 'n gesamentlike ondersoek tans deur Nampol en die ministerie van die omgewing en toerisme uitgevoer. "Geen verdere inligting is beskikbaar nie," het hy gesê .
Volgens die woordvoerder van die ministerie, mnr. Romeo Muyunda, bring dit die land se renosterstropingsyfer op 28 vanjaar te staan, teenoor 2016 se 60.
Met teenstropingseenhede en sekuriteit wat in die land se nasionale parke opgeskerp is om wildstropery te voorkom, word private plase en lodges met renosters toenemend geteiken.
Kommentaar
Republikein
Geen kommentaar is op hierdie artikel gelaat nie