Renoster gekwes, uitgesit

Francoise Steynberg - ''n Renosterbul is in die Etosha Nasionale Park deur stropers gewond en moes weens sy ernstige beserings deur veeartse van die ministerie van die omgewing en toerisme van kant gemaak word.Volgens ''n woordvoerder van die ministerie, mnr. Romeo Muyunda, is ses stropers verlede Woensdag in verband met die voorval in hegtenis geneem.Die Airbus-helikopter H125 van die ministerie wat by Okaukuejo gestasioneer is, is saam met die polisie en natuurbewaarders ingespan en drie stropers is die middag opgespoor en die ander drie die nag. Veeartse het gespook om die renoster te red wat in sy poot deur die stropers geskiet is, maar kon nie daarin slaag om die dier te red nie.Intussen is twee olifante verlede week in die Buffalo-gebied naby Divundu deur stropers geskiet en nóg een in by Omega in die Mukwe-kiesafdeling in die Kavango-Oosstreek, het die woordvoerder van die Namibiese polisie, adj.komm. Edwin Kanguatjivi, Vrydag bevestig.“Danksy die polisie en natuurbewaarders van die ministerie van die omgewing en toerisme se vinnige optrede verlede Dinsdag het die verdagtes van die toneel gevlug en kon hulle nie die olifanttande verwyder nie,” het hy gesê. Die derde olifant by Omega is verlede Woensdag aan die noordelike kant van die Buffalo-gebied geskiet en is vermoedelik die werk van drie stropers wat die tande verwyder het. “Die polisie was besig om die stropers te volg wat voor die naweek in die rigting van Angola gevlug het,” het Kanguatjivi gesê.Dit bring die totale stropingsyfer vir 2016 vir olifante op 76 te staan en vir renosters 58, volgens Muyunda.

Renoster gekwes, uitgesit

Kommentaar

Republikein 2025-07-08

Meld asseblief aan om kommentaar te lewer

Renoster gekwes, uitgesit

Kommentaar

Republikein 2025-07-08

Meld asseblief aan om kommentaar te lewer

MELD AAN

Advertensie