Reënbooghare vir dié kinders

Dit is weer tyd vir die nasionale Spray-a-Thon ten bate van die Kanker­vereniging van Namibië (CAN). Dié jaarlikse geldinsamelingsveldtog word tussen 2 en 9 Maart gehou om bewustheid van kinders met kanker te skep en om hulle finansieel te ondersteun. Lede van die publiek kan hul hare ­lands­wyd teen N$20 by deelnemende skole en besighede verskillende kleure deur CAN-spanne laat spuit. Dit kan ook by verskillende inkopiesentrums gedoen word, wat teen die einde van Februarie bekend gemaak sal word. Belang­stellendes wat vennote in die Spray-a-Thon-veldtog wil word, kan me. ­Susann van Heerden voor 16 Februarie by 061 237 740 of by [email protected] kontak. Die opbrengste van dié projek word ten bate van die tydelike huis vir kinders met kanker in Namibië (Chica) aangewend, asook Windhoek Sentrale Hospitaal se onkologie-kindersaal. FOTO VERSKAF