Reën val wyd
Tanja Bause
Die noordweste van Namibië het die naweek reën ontvang met motreën wat die naweek tussen Opuwo en Ruacana voorgekom het.
Me. Daniela Kemp het op die Facebook-blad, Reën in Namibia, gesê dit het 8 mm op Ruacana en 14 mm by die Otjikutu River Camp langs die Kunenerivier gereën.
Volgens die Meteorologiese Diens van Namibië se aanvullende reënvalverslag van 1 tot 17 Januarie het Opuwo tot dusver 20 mm ontvang en Khorixas 17,8 mm.
Die normale reënvalsyfers vir Januarie is 96,9 mm vir Opuwo en 51,7 mm vir Khorixas.
KUSGEBIED, SOSSuSVLEI
Die naweek het reën langs die kus voorgekom. Mnr. Louis Reichert het op Reën in Namibia gesê hy het Saterdagnag 16 mm in die Meersig-woonbuurt op Walvisbaai gemeet.
Die Swart Nossob-, Tsumis-, Swakop- en Ugabrivier het afgekom en berigte is ontvang die Kuisebrivier het Sondag tussen Homeb en Rooibank gevloei.
Die Tsauchabrivier het dié jaar Sossosvlei bereik. Die laaste keer wat daar water in die vlei was, was in Februarie 2011.
“Ek ry al vir jare drie tot vier keer 'n jaar met toere Namib Rand toe en ek het die woestyn nog nooit só groen gesien nie. Dit is ongelooflik. Ek het ongelukkig die water in 2011 op Sossusvlei gemis, maar ek het Sossusvlei nog nie so gesien nie,” het mnr. Ben Brynard gesê.
Die Sesriem-canyon het ook water ontvang en het laas in 2018 'n invloei gehad. - [email protected]
Die noordweste van Namibië het die naweek reën ontvang met motreën wat die naweek tussen Opuwo en Ruacana voorgekom het.
Me. Daniela Kemp het op die Facebook-blad, Reën in Namibia, gesê dit het 8 mm op Ruacana en 14 mm by die Otjikutu River Camp langs die Kunenerivier gereën.
Volgens die Meteorologiese Diens van Namibië se aanvullende reënvalverslag van 1 tot 17 Januarie het Opuwo tot dusver 20 mm ontvang en Khorixas 17,8 mm.
Die normale reënvalsyfers vir Januarie is 96,9 mm vir Opuwo en 51,7 mm vir Khorixas.
KUSGEBIED, SOSSuSVLEI
Die naweek het reën langs die kus voorgekom. Mnr. Louis Reichert het op Reën in Namibia gesê hy het Saterdagnag 16 mm in die Meersig-woonbuurt op Walvisbaai gemeet.
Die Swart Nossob-, Tsumis-, Swakop- en Ugabrivier het afgekom en berigte is ontvang die Kuisebrivier het Sondag tussen Homeb en Rooibank gevloei.
Die Tsauchabrivier het dié jaar Sossosvlei bereik. Die laaste keer wat daar water in die vlei was, was in Februarie 2011.
“Ek ry al vir jare drie tot vier keer 'n jaar met toere Namib Rand toe en ek het die woestyn nog nooit só groen gesien nie. Dit is ongelooflik. Ek het ongelukkig die water in 2011 op Sossusvlei gemis, maar ek het Sossusvlei nog nie so gesien nie,” het mnr. Ben Brynard gesê.
Die Sesriem-canyon het ook water ontvang en het laas in 2018 'n invloei gehad. - [email protected]
Kommentaar
Republikein
Geen kommentaar is op hierdie artikel gelaat nie