Reën val wyd
Die afgelope twee dae het reën oor verskeie streke in Namibië neergesak, met ’n syfer so hoog as 131 mm in die Ooste.
Volgens die Facebook-groep, Reën in Namibia, het tussen Sondagaand en Maandagoggend 57 mm op ’n plaas 30 km noord van Omitara in die Omahekestreek geval. ’n Buurplaas 8 km daar vandaan het 131 mm reën gehad.
Swaar reënbuie is gister in die Suide aangemeld. Die plaas Schönbrunn tussen Kalkrand en Maltahöhe het voor 13:00 Sondag reeds 52 mm reën ontvang.
Al die riviere in die Hardap-opvangsgebied het gevloei. Motoriste is gewaarsku om versigtig te bestuur op die B1-hoofweg tussen Mariental en Keetmanshoop waar die pad tussen Gibeon en Asab weens swaar reënbuie oorstroom het. Volgens mnr. Izak van Zyl het die ou laagwaterbrug by die Voigtsgrundrivier tussen Maltahöhe en Mariental ook gister oorstroom.
Ook in die verre Suide is 16 mm gisteroggend op die Savanna-gasteplaas naby Grünau aangeteken. Deur die nag het 16 mm in die gebied 60 km vanaf Aranos op die Stampriet-pad geval.
Windhoekers het op die groep aangemeld dat ligte buie ook Sondag oraloor die hoofstad geval het. Kleine Kuppe het 13 mm gehad, terwyl 10 mm in Hochlandpark en Elisenheim aangeteken is. Die Cimbebasia-woonbuurt het Maandagoggend 17 mm uit die reënmeters gegooi. Ander woonbuurte, waaronder Klein Windhoek, Eros, Pionierspark en Olympia het ook reënvalsyfers tussen 6 mm en 9 mm aangemeld.
Op Finkenstein het 14 mm deur die nag tot Maandagoggend geval en op Kapps Farm op die lughawepad oos van Windhoek is 27 mm aangeteken.
Rondom Okahandja is gisteroggend tussen 10 en 11 mm uit die reënmeters gegooi. Motoriste is ook gewaarsku om nie met sedan- of 4x2-voertuie op die grondpad tussen Okahandja en Hochfeld te ry nie.
Op Nacoco, 30 km vanaf Omaruru, het 32 mm geval en op Tsumeb is reënvalsyfers rondom 28 mm aangemeld, terwyl daar 6 mm op die plot Mücke buite Otjiwarongo gemeet is.
In die kusgebied is ook ligte reënval aangemeld, waaronder 2 mm op Swakopmund.
Wydverspreide donderbuie sal in die oostelike dele van die Omaheke-, Otjozondjupa, Hardap- en ||Kharasstreek voortduur. Die nodige voorsorgmaatreëls moet getref word.
Volgens die Facebook-groep, Reën in Namibia, het tussen Sondagaand en Maandagoggend 57 mm op ’n plaas 30 km noord van Omitara in die Omahekestreek geval. ’n Buurplaas 8 km daar vandaan het 131 mm reën gehad.
Swaar reënbuie is gister in die Suide aangemeld. Die plaas Schönbrunn tussen Kalkrand en Maltahöhe het voor 13:00 Sondag reeds 52 mm reën ontvang.
Al die riviere in die Hardap-opvangsgebied het gevloei. Motoriste is gewaarsku om versigtig te bestuur op die B1-hoofweg tussen Mariental en Keetmanshoop waar die pad tussen Gibeon en Asab weens swaar reënbuie oorstroom het. Volgens mnr. Izak van Zyl het die ou laagwaterbrug by die Voigtsgrundrivier tussen Maltahöhe en Mariental ook gister oorstroom.
Ook in die verre Suide is 16 mm gisteroggend op die Savanna-gasteplaas naby Grünau aangeteken. Deur die nag het 16 mm in die gebied 60 km vanaf Aranos op die Stampriet-pad geval.
Windhoekers het op die groep aangemeld dat ligte buie ook Sondag oraloor die hoofstad geval het. Kleine Kuppe het 13 mm gehad, terwyl 10 mm in Hochlandpark en Elisenheim aangeteken is. Die Cimbebasia-woonbuurt het Maandagoggend 17 mm uit die reënmeters gegooi. Ander woonbuurte, waaronder Klein Windhoek, Eros, Pionierspark en Olympia het ook reënvalsyfers tussen 6 mm en 9 mm aangemeld.
Op Finkenstein het 14 mm deur die nag tot Maandagoggend geval en op Kapps Farm op die lughawepad oos van Windhoek is 27 mm aangeteken.
Rondom Okahandja is gisteroggend tussen 10 en 11 mm uit die reënmeters gegooi. Motoriste is ook gewaarsku om nie met sedan- of 4x2-voertuie op die grondpad tussen Okahandja en Hochfeld te ry nie.
Op Nacoco, 30 km vanaf Omaruru, het 32 mm geval en op Tsumeb is reënvalsyfers rondom 28 mm aangemeld, terwyl daar 6 mm op die plot Mücke buite Otjiwarongo gemeet is.
In die kusgebied is ook ligte reënval aangemeld, waaronder 2 mm op Swakopmund.
Wydverspreide donderbuie sal in die oostelike dele van die Omaheke-, Otjozondjupa, Hardap- en ||Kharasstreek voortduur. Die nodige voorsorgmaatreëls moet getref word.
Kommentaar
Republikein
Geen kommentaar is op hierdie artikel gelaat nie