Reën kom dalk die naweek

Elvira HattinghSwaar storms word vanaf vandag in die Noorde en Ooste van die land verwag, terwyl reën sedert gister en oor die naweek oor die binneland voorspel word. Dit is met uitsondering van die suidwestelike helfte, sê die Namibiese weerkantoor se hoofweervoorspeller, mnr. Odillo Kgobetsi. Hy sê na verwagting kan Namibiërs in die binneland teen môre ook koeler dagtemperature verwag, danksy ’n wolkbedekking en reën wat verwag word. Dit volg nadat reën Woensdag op plekke soos Omaruru, Otjiwarongo en Khorixas uitgesak het, waar dit onderskeidelik 18 mm, 11 mm en 5 mm gereën het. Op Eenhana het dit 2 mm gereën, op Okaukuejo 1 mm en net druppels op Katima Mulilo. Vandag sal dit sonnig en baie warm in die suidweste van die land wees, met ’n maksimum temperatuur van tot 40 °C wat op Khorixas verwag word. Die kwik sal by 38 °C op Keetmanshoop en Sesfontein draai, terwyl Aroab en Okaukuejo se maksimum 37 °C sal wees. Die weerkantoor sê wat die res van die land betref, sal dit gedeeltelik bewolk en baie warm tot bloedig warm wees, met enkele tot geïsoleerde donderbuie. Die kus sal gedeeltelik bewolk en koel tot warm wees, met reënbuie in die Noorde. - elvira@republikein.com.na

Reën kom dalk die naweek

Kommentaar

Republikein 2025-12-15

Meld asseblief aan om kommentaar te lewer

Reën kom dalk die naweek

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.