Reën: Februarie nat, maar normaal

Elvira Hattingh – Hoewel reënneerslae vir Februarie beduidend was, vaar die groter reënseisoen steeds normaal tot ondernormaal vir die grootste dele van die land. Die ministerie van werke en vervoer se afdeling vir meteorologiese dienste se reënverslag vir Februarie dui daarop goeie reën het meestal in die laaste 10 dae van die maand oor groot dele van die land voorgekom. Bonormale reën is verlede maand in die Ohangwena-, westelike Otjozondjupa-, westelike Omaheke- en verre suidoostelike dele van die ||Kharasstreek ontvang, terwyl ondernormale reën op plekke in Kavango-Wes, die Suidooste en ook langs die westelike platorand in Februarie ontvang is. Die meerderheid weerstasies het normale reënsyfers in die tweede maand van die jaar gemeet, sê die meteorologiese dienste.Oor ’n breër seisoenale perspektief het bonormale reënneerslae slegs in die westelike Omaheke-, westelike Odjozondjupa-, dele van die Oshana- en die Oshikotostreek voorgekom, terwyl die res van die land normale tot ondernormale reën ontvang het.VOORUITSIGTEIntussen sê die nieregeringsorganisasie LandWater, wat satellietfoto's wetenskaplik ontleed en interpreteer, die volgende dae hou opnuut vooruitsigte van reën vir Namibië in.Gunstige toestande vir reën het reeds in die tweede deel van die afgelope week vir Noord- tot Sentraal-Namibië verbeter. Van Maandag af, meen LandWater, kan reënweer ook die Suide bereik. “Die moontlikheid van besondere reën van volgende week af bestaan, wat reeds vandeesweek begin ‘opwen’,” het LandWater gesê en bygevoeg “Maart kan positiewe reënvooruitsigte inhou, met April wat ook verrassings kan oplewer”.Santam Suid-Afrika se landbouweerkundige, mnr. Johan van den Berg, het vroeër vandeesmaand gesê vooruitsigte vir reën in Maart lyk sleg. “Vooruitsigte vir reën vir die meeste dele van Suider-Afrika is swak oor die kort termyn vir die groter deel van Maart, hoewel dit ietwat kan verbeter van die tweede helfte van Maart af,” het hy gesê.Vir Namibië spesifiek is reënvooruitsigte in Maart nie belowend nie, met uitsondering van die verre noordelike dele van die land waar ligte reëns mag voorkom, het Van den Berg gesê. – elvira@republikein.com.na

Reën: Februarie nat, maar normaal

Kommentaar

Republikein 2025-12-16

Meld asseblief aan om kommentaar te lewer

Reën: Februarie nat, maar normaal

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.