Rekordtye spat in aflosse

Drie ouderdomsrekords van die Namibiese Swemunie (Nasu) is die afgelope naweek by die tweede Bank Windhoek-langbadgala in Olympia verbeter. Dolphin-swemklub se Naan Jiao, Ainoa Naukosho, Milan Prinsloo en Ernst Jansen verbeter die 10 jaar en jonger gemengde 400 meter vryslagaflos tot 5 minute 18.24 sekondes. Kayleb Benade, Elias Nakaleke, Jessica Humphrey en Mark Tibazarwa van die Aqua-klub sorg vir 'n nuwe rekordtyd (4:51.90) in die o.11- en o.12-afdeling gemengde 400 m vryslagaflos. Arkell Wellmann, Heleni Stergiadis, Viktoria Ellmies en Marco Henning (Dolphins) sorg vir die derde rekord toe hulle die o.17- en o.18 gemengde 400 vryslag­aflostyd tot 4:01.23 verbeter. Foto Verskaf