Rekordgetalle probeer Mexiko-VSA-grens oorsteek

Die getal onwettige immigrante wat die grens van Mexiko na Amerika probeer oorsteek, neem rekordafmetings aan. Kevin K. McAleenan, kommissaris van doeane en grensbeskerming in Amerika, sê meer as 76 000 mense het in Februarie die grens onwettig probeer oorsteek.The New York Times berig dit dui daarop dat die Trump-administrasie se aggressiewe beleid van meer vervolgings,nuwe beheermaatreëls oor asiel en strenger aanhoudingsbeleid nie daarin kon slaag om mense te ontmoedig wat van geweld en armoede probeer vlug nie.“Die stelsel word veel verder as sy vermoë gestrek en staan op breekpunt. Dit is duidelik ’n grens- en ’n humanitêre krisis,” sê McAleenan.Hy skets ’n prentjie van oorvol sentrums, grensbeamptes wat sukkel om te voldoen aan mediese behoeftes en duisende uitgeputte families wat ingehok word in aanhoudingsplekke terwyl nuwelinge daagliks aankom, soms busvragte vol.Pres. Donald Trump gebruik dié syfers om sy plan te regverdig om ’n muur langs die grens met Mexiko te bou.Grenspatrollies het van Oktober verlede jaar tot verlede week 260 000 mense opgepik. Dit is 90% meer as in die ooreenstemmende tyd ’n jaar gelede, berig National Public Radio. NUWE SITUASIEVroeër jare was dit meestal alleenlopermans wat oor die grens probeer kom het, maar deesdae probeer hele gesinne met kinders en al oor die grens kom en die grensbeheer-infrastruktuur sukkel om die nuwe situasie te hanteer.Sedert verlede jaar keer grenspatrollies al hoe meer groot groepe mense van 100 of meer voor. Hulle daag per bus op en soek dan ’n grenspatrollie om hulself oor te gee.Agente moet dan rondval om vervoer te reël terwyl dwelmsmokkelaars die geharwar uitbuit om oor die grens te kom, sê Manuel Padilla, ’n veteraan van grensbeheer en direkteur van die gesamentlike taakmag in San Antonio.Hy glo nie ’n muur gaan help nie. Baie van die onwettige immigrante steek die grens oor op plekke waar daar reeds ’n muur is. Hulle probeer ook nie die grensbeheerbeamptes vermy nie, hulle probeer hulself so gou moontlik oorgee sodra hulle op Amerikaanse grondgebied is.“Die situasie moet deur wetgewing reggestel word,” sê Padilla.Voorstanders van strenger immigrasiemaatreëls sê skuiwergate in die wet moet toegemaak word wat toelaat dat die migrante vinnige deportasie vermy terwyl die owerhede nie gesinne vir lang tydperke mag aanhou nie.Die meeste mense wat opgepik word, bly net ’n paar dae in die deurgangskamp in El Paso, Texas, en gaan dan na vriende en familie elders in die land waar hulle wag op hul verskyning in die immigrasiehof. – Netwerk24

Rekordgetalle probeer Mexiko-VSA-grens oorsteek

Kommentaar

Republikein 2025-11-05

Meld asseblief aan om kommentaar te lewer

Rekordgetalle probeer Mexiko-VSA-grens oorsteek

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.