Reis na Duitsland met Sinopharm

Augetto Graig - Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het vandag in die parlement aangekondig dat die Duitse ambassade in Namibië haar verseker het inenting teen Covid-19 met China se Sinopharm sal nie toegang tot Duitsland belemmer nie.
Dit volg ná ’n onlangse voorval waar Namibiërs toegang tot Duitsland geweier is omdat hulle met dié entstof ingeënt is.
Nandi-Ndaitwah sê al wat Namibiërs benodig, is ’n geldige negatiewe Covid-19-toets en ‘n visa.
Nandi-Ndaitwah het voorts aangekondig dat die VSA Namibië van vlak drie na vlak twee herklassifiseer het om reis tussen dié twee lande te vergemaklik.