Rehoboth swyg oor dubbele salarisse

Peya wis van niks

10 February 2020 | Misdaad
Denver Kisting – Die minister van stedelike en landelike ontwikkeling, dr. Peya Mushelenga, het Vrydag gesê beweerde ongerymdhede met die betaling van salarisse by die Rehoboth-dorpsraad is nooit onder sy aandag gevestig nie.

Op 28 Januarie is ’n kennisgewing oraloor by dié plaaslike owerheid se perseel opgeplak met die onderwerp: “Double Salary Payment for January Salary”.

Die dokument is deur mnr. Simeon Kanime, die dorpsraad se uitvoerende hoof, uitgereik.

Hy sê daarin dit het sy ore bereik “dat daar personeellede is wat tydens Januarie dubbel betaal is”.

Ten tye van die uitreik van die kennisgewing, het “net ’n paar personeellede so ’n fout by die geskikte kantoor aangemeld en reëlings vir terugbetaling getref”, lui die skrywe.

Dít maak hom bekommerd, het Kanime gesê.

“Die raad is in kontak met die bank om name van personeellede te bekom wat verkeerdelik baat gevind het,” het hy voorts gesê.

Hy het toe ’n beroep gedoen op die onbekende aantal werknemers, wat uit die beweerde fout voordeel getrek het, om dringend met die waarnemende finansiesbestuurder, me. Darlitha Lupahla, in verbinding te tree om reëlings vir terugbetaling te tref.

Sou hulle nie aan daardie pleidooi gehoor gee nie, sal “dringende regstellende stappe” gedoen word, maan die skrywe voorts.

Die aard van die stappe word nie onthul nie.

Bondige repliek

Al wat Kanime bereid was om by navraag te sê, was: “Dis ’n interne aangeleentheid wat ons vriendelik opgelos het.”

Republikein het hom onder meer gevra om die feit dat dubbele salarisse betaal is, te bevestig en hoeveel werknemers daardeur geraak is.

Eweneens, het die koerant gevra wat die finansiële implikasies van die dubbele betaling is.

Kanime is ook gevra watter planne bestaan om die geld te verhaal en, indien enigiets, hoeveel reeds verhaal is.

Die uitvoerende hoof is voorts gevra wat tot die beweerde fout aanleiding gegee het en of stappe gedoen sal word teen enigiemand wat nalatig opgetree het.

Hy is ook gevra om te reageer op ’n bewering dat dit nie die eerste keer was wat dit gebeur het nie en hoekom dit skynbaar ’n herhalende gebruik is.

Kanime het op geeneen van dié vrae gereageer nie.

Mushelenga het Vrydagoggend gesê: “Dankie. Nee, dit is nie onder my aandag gevestig nie.”

- [email protected]

Soortgelyk

 

Damme voller

8 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

8 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

8 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

8 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

8 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

8 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

8 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

8 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

8 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...