Rehoboth-kliniek (Timosa) tydelik weens hoë Covid-getalle gesluit

Die Rehoboth-kliniek (Timosa) in Blok E is vanaf vandag tot 2 Julie tydelik vir pasiënte gesluit. Die besluit is geneem in die lig van die skerp styging in Covid-19-gevalle op die dorp wat vereis dat personeel by die kliniek verskuif moet word om noodsaaklike gesondheidsdienste elders te lewer. Pasiënte wat normaalweg die kliniek besoek, word aangemoedig om by die Rehoboth-gesondheidsentrum op die dorp vir hulp aan te klop. Die immuniseringsveldtog teen Covid-19 sal egter by die kliniek vanaf Maandag tot 2 Julie plaasvind.