Regulasies vir loterye en dobbel kom

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan word. "As rolspelers in dié bedryf die werkwinkels nie bywoon nie, gaan regulasies sonder hul insette van krag word," het dr. Sem Shikongo, direkteur van toerisme en dobbelary in die ministerie van die omgewing en toerisme, gister aan Republikein gesê. "Die wette, die nuwe Loterywet van 2017 en die Dobbelary en Vermaakbeheerwet van 2018, bepaal wat moet met loterye en dobbelary gebeur, en die regulasies bepaal hoe dit moet gebeur," verduidelik Shikongo. Die eerste twee dae lange openbare werkwinkel skop vandag om 09:00 in die hoofstad by die Safari Hotel en Konferensiesentrum af. Die eerste dag word aan loterye gewy en die tweede dag aan dobbelary.Shikongo sê die alle rolspelers moet insette oor regulasies lewer. In die geval van loterye moet organisasies of instellings wat promosiekompetisies hou vandag by die werkwinkel teenwoordig wees, asook skole en kerkleiers wat gelukstrekkings hou, private klubs, sportklubs en kroeë, alle netwerkdiensverskaffers en nieregeringsorganisasies soos liefdadigheids- en welsynsorganisies en besighede betrokke by loterye, of wat loterye bedryf."Baie organisasies, soos skole, sportklubs, kerke en welsynsorganisasies word hierdeur geraak. Daar gaan byvoorbeeld 'n beperking op die maksimum bedrag wengeld wees," verduidelik Shikongo. Hy sê die regering het besef die loterybedryf moet doeltreffend gereguleer word om dit misdaadvry te hou, terwyl inkomste vir die staat gegenereer word om maatskaplike welsyn en opheffing te ondersteun. Shikongo gebruik gelukstrekkingkaartjies vir die bou van 'n kerk as voorbeeld: "Kaartjies word verkoop, maar jy weet nie of die kerk wel gebou word of nie." Hy sê 'n loteryraad en staatsloterytrustfonds moet gestig word, voorsiening moet vir die uitvoer van die beoogde staatslotery en 'n sportboerpot deur die raad of deur lisensiehouers gemaak word."Daar moet ook voorsiening gemaak word vir die goedkeuring van ander loterye en promosiekompetisies waaroor toesig en beheer uitgeoefen moet word," sê Shikongo.DOBBELARYOp die tweede dag van die werkwinkel word regulasies vir dobbelary vasgestel, asook vir die stigting van 'n dobbelraad en dobbeltrustfonds. Shikongo sê bestaande lisensiehouers van dobbelhuise en casino's moet die werkwinkel bywoon, asook diegene wat nie lisensies het nie.Volgens hom is daar tans ses casino's en 256 dobbelhuise met lisensies in die land, “maar daar is baie meer ongelisensieerde dobbelhuise”. Shikongo het bevestig die nuwe dobbelwet lig die moratorium op die uitreiking van dobbellisensies.“Sodra dié wet van krag word, moet alle dobbelmasjiene binne 'n jaar geregistreer word om te bepaal hoeveel in die land is. As dit nie ná 'n jaar geregistreer is nie, is die strawwe vir onwettige masjiene sonder lisensies baie swaar – onder meer 10 jaar tronkstraf of ’n boete van N$50 000,” maan Shikongo. Daar sal ook beskerming vir dobbelverslaafdes wees: “Dobbelverslaafdes word op ’n register geplaas en die lys sal by alle casino’s wees. As ’n dobbelverslaafde by ’n casino dobbel, kan die casino beboet word.”Shikongo sê selfs die kinders van dobbelverslaafde voogde kan hul voogde op dié lys plaas.Die ander werkwinkels vind op 25 en 26 Februarie by Schützenhaus op Keetmanshoop plaas, asook op 28 Februarie en 1 Maart by die Swakopmund Hotel en Vermaaksentrum op Swakopmund, op 4 en 5 Maart by Out of Africa op Otjiwarongo, op 7 en 8 Maart by Oshandira Lodge op Oshakati , op 11 en 12 Maart by Ngandu Safari Lodge op Rundu en op 14 en 15 Maart by die Protea Hotel op Katima Mulilo.

Regulasies vir loterye en dobbel kom

Kommentaar

Republikein 2025-05-01

Meld asseblief aan om kommentaar te lewer

Regulasies vir loterye en dobbel kom

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie