Regter gee redes vir bank se likwidasie

Jacqueline Louw - Regter Hannelie Prinsloo het Maandag in die Windhoekse hoërhof gesê daar moet nie sig verloor word van die konteks waarin die likwidasieaansoek van die SME Bank gebring is nie: Dat die regering en semi-staatsinstellings honderde miljoene Namibiese dollars in die SME Bank gestort het. Regter Prinsloo noem in haar uitspraak dat die regering alleen ongeveer N$900 000 000 in die SME Bank belê het.“Geld van die belastingbetalers blyk nou weens verskeie redes verlore te wees. Hierdie redes wissel van moontlike wanbestuur tot onverstandige beleggings,” het regter Prinsloo in haar uitspraak gesê.Sy het ook gesê sy stem saam met die respondente se argument dat die Bank of Namibia (BoN) grondwetlik verplig is om die mense van Namibië sowel as die land se ekonomiese groei en welvaart te beskerm. Volgens haar was dit presies die doel van die BoN se aansoek wat tot die SME Bank se likwidasie gelei het.Bon se aansoekVolgens regter Prinsloo was die doel van die BoN se aansoek om die verdere verlies van belastingbetalers se geld te verhoed en ook om die integriteit van Namibië se bankinstellings en ekonomie te beskerm.Sy het die finale likwidasie van die SME Bank op 29 November beveel.Die BoN het beheer oor die SME Bank aan die begin van Maart vanjaar geneem en daarna 'n aansoek by die hoërhof ingedien om dié bank te likwideer.Die likwidasieaansoek is hardnekkig deur twee Zimbabwiese minderheidsaandeelhouers van die SME Bank - die Metropolitan Bank of Zimbabwe en World Eagle Properties – teengestaan.Die respondente het in teenstand van die likwidasieaansoek betoog dat die BoN nie aan sekere bepalings van die maatskappyewet voldoen het nie. Die regter het egter gesê dat die nie-nakoming van sekere van die maatskappyewet se bepalings nie beduidende gronde vir die verwerping van die voorlopige likwidasiebevel daarstel nie.respondente se beswaarSy het ook gesê dat die respondente se beswaar teen die prosedure wat die meester van die hoërhof in die aanstelling van die likwidateurs gevolg het, in 'n hersieningsaansoek en nie in die likwidasieaansoek aangespreek behoort te gewees het nie.Die regter het verder gesê dat die SME Bank se kommersiële en feitelike insolvensie geensins verander het van die datum van die voorlopige likwidasie tot die oorweging van die finale likwidasiebevel nie en dat die bank nog steeds nie sy verpligtinge teenoor beleggers sou kon nakom nie. Die twee Zimbabwiese aansoekers is ook deur die hof beveel om die koste van die opponering van die likwidasieaansoek te betaal.

Regter gee redes vir bank se likwidasie

Kommentaar

Republikein 2025-11-05

Meld asseblief aan om kommentaar te lewer

Regter gee redes vir bank se likwidasie

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.