Regstryd woed voort ná onskuldigbevinding

Jana-Mari Smith'n Voormalige taxibestuurder wat ná tien jaar agter tralies onskuldig bevind is, se regstryd waarin hy miljoene in skadevergoeding eis, nader nou vier jaar in die hof en dit word verwag dat die saak vir nog 'n paar jaar gaan sloer.Petrus Shoovaleka is in 2005 op 'n klag van roof in hegtenis geneem en is ná 'n drie jaar lange verhoor, wat eers sewe jaar ná sy inhegtenisneming begin het, onskuldig bevind en hy is in Julie 2016 uiteindelik vrygelaat.Hy het as 'n onskuldige man tien jaar, vyf maande en 29 dae in die tronk deurgebring.Shoovaleka het, volgens die hofstukke, met die hulp van die prokureursfirma Nixon Marcus op grond van 'n “grootskaalse mislukking van die strafregstelsel” vir skadevergoeding gedagvaar.Shoovaleka sê in hofdokumente hoewel hy nie 'n prokureur is nie en 'n beperkte opvoedkundige agtergrond het, voel hy ná sy beproewing van meer as tien jaar moet iemand aanspreeklik gehou word vir wat met hom gebeur het.Sy regstryd van N$11 miljoen het verlede jaar einde se kant toe gestaan nadat die aanklaer-generaal, me. Martha Imalwa, se regspan die hof in kennis gestel het dat hulle bereid is om 'n skikking te beding en nie die saak hof toe te sleep nie.Shoovaleka het einde 2017 sy regsgeding aanhangig gemaak en was hoopvol dit sou teen einde verlede jaar afgehandel wees, nadat skikkingsonderhandelinge in Julie 2020 begin het.Imalwa het egter in middel Desember 'n skielike U-draai gemaak en die hof in kennis gestel sy het van plan verander en wou die saak in die hof verdedig. ERKEN INDISKRESIESIn Desember 2020, kort voor Imalwa van plan verander het, het die staatsaanklaer Jabulani Ncube aan die hof gesê die enigste kwessie wat nog onderhandel moes word, was die bedrag wat Shoovaleka geëis het.Shoovaleka se regsgeding beoog dat die hof die kantoor van die aanklaer-generaal beveel om skadevergoeding van N$11 247 917 aan hom te betaal.Daarbenewens eis hy N$65 000 in skadevergoeding by die polisie vir die skade wat sy taxi, 'n Toyota Corolla-sedanvoertuig, opgedoen het nadat dit in 2005 geskut is.“Ons het nie gepleit nie, omdat ons die meeste van hierdie indiskresies erken, die enigste kwessie is die kwantum (bedrag van skadevergoeding),” het Ncube aan die hof gesê. PLEITSTUKKEIn hofstukke het Imalwa erken sy is aanvanklik aangeraai om te skik en die saak af te handel, pleks daarvan om te vra dat die gewysigde eisbesonderhede aangevra word wat Shoovaleka in Maart 2020 ingedien het.Hoërhofregter Herman Oosthuizen het in Julie vanjaar ten gunste van Imalwa se versoek beslis en haar toegelaat om pleitstukke in te dien wat reeds vanaf Julie 2020 uitstaande is.Sy het aangevoer sy het nie die pleitstukke ingedien nie, aangesien haar prokureurs haar aangeraai het om eerder die saak te skik.Shoovaleka het hard teen Imalwa se laat indiening geveg.Hy het gesê die hof moet in ag neem dat haar “onredelike gedrag in hierdie saak die katastrofiese mislukking van die stelsel ten koste van die eiser – 'n mens – net vererger.”Oosthuizen het Imalwa beveel om die pleitstukke teen 13 Augustus 2021 in te dien en om die koste te betaal wat Shoovaleka aangegaan het weens die laat indiening. HOF SE MISNOEËTerwyl Oosthuizen ten gunste van die verweerder beslis het, het sy uitspraak die misnoeë van die hof met die vertraging in die verrigtinge in die algemeen en die skielike U-draai beklemtoon.“Enige redelike hof sou aanvaar die partye stem ooreen oor die feitelike meriete van die eiser se eis. Hierdie hof het beslis,” het Oosthuizen in sy uitspraak gesê.Oosthuizen het ook gesê Imalwa se argument dat sy nie van die betrokke regspraak oor die aangeleentheid kennis gedra het nie, is “verstommend en kommerwekkend”.“Die verskoning wat die tweede verweerder (Imalwa) aanbied oor haar onkunde oor die toepaslike regspraak in die lig van haar grondwetlike verpligtinge en betrokkenheid as party in die huidige saak, is onthullend,” het hy gesê.Die regter het gesê dit het die hof ongerief veroorsaak en die regte regspleging is gevolglik vir meer as 'n jaar opgeskort.Shoovaleka het ses verweerders in sy saak genoem en dit sluit die president van Namibië, Imalwa, die minister van veiligheid en sekuriteit, die inspekteur-generaal van die polisie, die prokureur-generaal en die permanente sekretaris van die regbank in.Mnr. Unomwinjo Katjipuka-Sibolile tree namens Shoovaleka op. – republikein@republikein.com.na

Regstryd woed voort ná onskuldigbevinding

Kommentaar

Republikein 2025-11-03

Meld asseblief aan om kommentaar te lewer

Regstryd woed voort ná onskuldigbevinding

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.