Regruk teen Wallis dalk moontlik

Die krieketspanne van Wallis en die Namibiese uitnodigingspan takel mekaar vanoggend in Kaapstad op die tweede wedstryddag van die wêreldtoernooi vir spelers ouer as 50 jaar.Beide spanne is eergister oortuiging verslaan deur twee van die groter nasies in die sport. Namibië is vir 85 lopies uitgeboul en het sodoende met 177 lopies teen Pakistan verloor, terwyl Wallis selfs erger oorskadu is toe Suid-Afrika hom vir net 60 uitgeboul het vir 'n sege met 193 lopies.Dit bring mee dat Namibië hom vanoggend in die vierde posisie uit die ses spanne in groep B bevind. Pakistan (43 punte) en Suid-Afrika (42) gee die toon aan teen Engeland (36), Namibië (12), Wallis (8) en Indië (7) nadat laasgenoemde ewe swak teen Engeland afgeskop het.Die Namibiërs onder kapteinskap van Lennie Louw en met Dee Thakur as speler-afrigter sal hoop om vanoggend sodanig te hergroepeer dat hulle dalk selfs 'n verrasende sege teen Wallis kan behaal. Anders as die Namibiese debutante, was die rooies reeds twee jaar gelede by die eerste wêreldtoernooi vir meesters betrokke en het vir 'n skoksege teen Suid-Afrika gesorg.• Namibië se volgende wedstryde sal opeenvolgend teen twee bulspanne wees –Sondag teen Engeland en Maandag teen Indië. Dan bly nog een groepwedstryd teen Suid-Afrika oor (Woensdag).

Regruk teen Wallis dalk moontlik

Kommentaar

Republikein 2025-05-15

Meld asseblief aan om kommentaar te lewer

Regruk teen Wallis dalk moontlik

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie