Reddingsboei vir Agribusdev se mielies

Ogone Tlhage – Die regering moes inspring om Agribusdev se agterstallige skuld van N$9 miljoen by ‘n Suid-Afrikaanse verskaffer, Kynoch, te delg en te keer dat die hof nie tonne mielies van dié sukkelende staatsonderneming (SOE) verkoop waarop beslag gelê is nie.Volgens die waarnemende besturende direkteur van Agribusdev, mnr. Berfine Antindi, was die SOE genoodsaak om die skuld te vereffen deur geld te gebruik wat vir projekte bedoel was. Antindi sê die projekgeld is deur die ministerie van landbou, water en grondhervorming bewillig. Dié ministerie het toestemming gegee dat die geld voorlopig gebruik kan word om Agribusdev se skuld te betaal. Die ministerie van staatsondernemings sal dan dié bedrag vandeesmaand “vervang”, volgens hom.“Dis nie Agribusdev wat betaal het nie, want Agribusdev het nie geld nie,” het Antindi gesê.SAAK UITGESTRYK“Die saak is opgelos. Kynoch is ten volle betaal en hulle sal nie aan die mielies vat nie,” het hy bygevoeg. Die minister van SOE’s, mnr. Leon Jooste, het dit bevestig.Agribusdev het ‘n ooreenkoms met Kynoch aangegaan om kunsmis en saad te koop.Die meester van die hof op Rundu wou die mielies as ‘n saak van dringendheid verkoop om te verhoed dat dit vrot raak en waarde verloor.Beslag op sowat 3 000 ton mielies is op 14 Julie gelê. Van die mielies was nog nie geoes nie en die meester het beslag daarop in die landerye gelê. Geoeste mielies wat in silo’s gestoor is, is ook op beslag gelê. Dié mielies kon vir net tussen ses en 12 maande gestoor word. - republikein@republikein.com.na

Reddingsboei vir Agribusdev se mielies

Kommentaar

Republikein 2025-12-19

Meld asseblief aan om kommentaar te lewer

Reddingsboei vir Agribusdev se mielies

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.