‘Red land een SMS op 'n slag,’ sê AR

Bog, sê ECN oor 'vertraging'

28 July 2020 | Politiek
Denver Kisting – Ofskoon hulle nie werkloos of arm is nie, het die Regstellende Herposisionering (AR) verlede week 'n SMS-lyn bekend gestel waarmee dié beweging sy 2020 verkiesingsveldtog wil finansier.

Tot dusver, sê die grondaktivis, akademikus en vuurvreter dr. Job Amupanda, het hulle die AR uit hul eie sakke aan die gang gehou met die hulp van weldoeners. “Ons is nie werkloos nie. Ons is nie arm nie.”

Hy sê die Verkiesingskommissie van Namibië (ECN) se beweerde pogings om die AR se aansoek te kortwiek om as 'n politieke organisasie te registreer, kom as geen ­verrassing nie.

“Al die truuks wat gebruik word, is perfek dié wat ons verwag het. Dit is geen verrassing nie.”

Amupanda sê hulle is gerat vir die struikelblokke. “Daar is geen vraag oor registrasie nie – hetsy op 'n vlot manier of vyandig. Ek dink nie hulle (die ECN) was sielkundig voorbereid nie.”

Die aktivis meen hul beweging is nie te koop nie. “Ons het geen toegang tot Fishrot-miljoene nie. Ons maak van vernuwende maniere gebruik om fondse op 'n deursigtige manier in te samel.”

Trouens, sê hy, hulle het reeds stem dik gemaak teen korrupsie lank voor dit mode was.

Een van dié vernuwende maniere is 'n SMS-lyn waartoe weldoeners kan bydra om die AR finansieel te ondersteun om later vanjaar aan die plaaslike en streekowerheidsverkiesings deel te neem, het Amupanda verlede week op 'n nuuskonferensie in Windhoek gesê. “Ja, ons het nie Fishrot-geld nie, maar ons gebruik ons breine.”



ECN ONTKEN VERTRAGING

Intussen sê die ECN by monde van sy hoofkiesbeampte, mnr. Theo Mujoro, dit is onwaar dat hulle die AR se registrasie as 'n politieke organisasie met opset laat sloer.

“Daar is geen vertraging in die verwerking van die aansoek van die Affirmative Repositioning om as 'n vereniging te registreer nie.”

Volgens hom is hulle tans besig om sewe aansoeke van politieke liggame te verwerk. “Dié is 'n heen-en-weer-proses, wat behels om vir aanvullende inligting te vra en klarigheid te kry van aansoekers wat sekere aangeleenthede betref.”

- [email protected]

Soortgelyk

 

Nog leerlinge, gevangenes toets positief vir Covid-19

4 ure gelede | Gesondheid

Uit die 13 nuwe gevalle van Covid-19 is vyf leerlinge van skole in die hoofstad en wel twee van die Montessori-kindertuin, een elk van die...

Woede kook oor by Ngoma

19 ure gelede | Misdaad

Augetto Graig – Regeringsafgevaardigdes het laat Saterdagmiddag hul hande vol gehad om gemoedere by die Ngoma-grenspos te kalmeer toe ’n skare woedende inwoners uit die...

Totsiens, Shannon

19 ure gelede | Mense

Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.Sy is...

Nuwe ruimte vir naslaan, leer en lees

19 ure gelede | Geskiedenis

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik...

Vermoedelike reeksverkragter slaan weer toe

19 ure gelede | Misdaad

Kuskantoor – Die polisie in die Erongostreek ondersoek 'n voorval waar ’n aanvaller by ’n vrou (28) se huis in Walvisbaai ingebreek het, haar met...

Namibië se eerste Supra-vrou gekroon

19 ure gelede | Mense

Ná maande van intense mededinging is die 23-jarige Chanique Rabe Saterdagaand as die eerste Mej. Supranational Namibië bekroon. Saam met dié gesogte titel stap sy...

Antigeen-toetse vir reisigers na SA beskikbaar

19 ure gelede | Gesondheid

Antigeen-toetse om die coronavirus op te spoor, is volgens die Suid-Afrikaanse regering se inligtingsdiens (GCIS) by alle grensposte na die land beskikbaar.Dié toetse, wat van...

Regeringsbestuur: 'Prentjie lyk stroef'

19 ure gelede | Regering

Denver Kisting 'n Herhaling van die Fishrot-skandaal, die beweerde grootskaalse kaping van Namibiese viskwotas wat die afgelope jaar opspraak wek en twee oudministers agter tralies...

Seun (5) met kanker se gesin vra hulp

19 ure gelede | Mense

Ester KamatiDie Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het. Die diagnose het gevolg nadat bloed vroeg...