Rebelle in DRK laat 2 Britse gyselaars vry

Twee Britte en hul Kongolese bestuurder wat in die Demokratiese Republiek die Kongo (DRK) as gyselaar aangehou is, is vrygelaat, sê die Virunga-nasionale park.Robert Jesty en Bethan Davies is Vrydag saam met hul bestuurder ontvoer terwyl hulle in Afrika se oudste nasionale park was.Rachel Makissa Baraka (25), 'n veldwagter, is ten tyde van die ontvoering dood. Die voorval was naby Kibati, noord van Goma.Die twee Britse gyselaars sê hulle is “baie dankbaar vir die uitstekende ondersteuning” wat hulle gekry het.Hulle wou nie uitwei nie en sê die Britse departement van buitelandse sake sal 'n verklaring uitreik.Baraka is ernstig beseer toe die voertuig waarin die vier gereis het deur gewapendes aangeval is, sê die park op sy webwerf. Sy is na 'n nabygeleë hospitaal gebring waar sy noodbehandeling gekry het, maar het kort daarna aan haar beserings beswyk, sê die park.“Sy was een van die park se 26 vroueveldwagters. Sy was baie toegewyd en het ware dapperheid in haar werk getoon,” sê Emannuel de Merode, die parkdirekteur.Voorvalle van geweld het die afgelope twee en 'n half dekades gereeld in die oostelike dele van die DRK voorgekom. Dit was die middelpunt van twee oorloë tussen 1996 en 2003 waarin miljoene mense dood is, hoofsaaklik weens honger en siekte.Rebellegroepe en guerrillastryders het groot dele van die gebied beheer. Meer as 175 veldwagters het gesterf terwyl hulle die park beskerm het. Die park is tussen rowwe berge en vulkaniese terrein langs Rwanda en Uganda geleë.Dit het nietemin al hoe meer besoekers getrek wat die bedreigde berggorillas en die aktiewe vulkaan Nyiragongo wil besoek.Boris Johnson, Britse minister van buitelandse sake, het die DRK-owerhede en die Kongolese Instituut vir Natuurbewaring geloof vir hul “volgehoue hulp ten tyde van dié aaklige gebeure”.“My gedagtes is nou by die familie van Rachel Makissa Baraka, die Virunga-park se veldwagter wat ten tyde van die ontvoering gesterf het, by die beseerde bestuurder en die vrygelate Britse burgers,” sê hy.– Netwerk24/News24

Rebelle in DRK laat 2 Britse gyselaars vry

Kommentaar

Republikein 2026-11-03

Meld asseblief aan om kommentaar te lewer

Rebelle in DRK laat 2 Britse gyselaars vry

Kommentaar

Republikein 2026-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.