RBG verduidelik sy grondeis (Deel 1)
Martin Gustav Dentlinger skryf:
Hierdie is volgens die Rehoboth Bastergemeente die waarheid oor die onteiening van ons eiendomme.
Die RBG baseer hulle eis vir die herstel van ons eiendomsregte teen die Swapo-regering op gedokumenteerde bewyslewering van gronddiefstal. Daarmee plaas hulle die Swapo-regering in die openbare beskuldigingsbank.
Selfs die skaamtelose rubberkoëlslagveld in Kavukie teen 'n skadelose vergadering van Rehobothers wat geen bedreiging van enige aard was nie en waarvan die meerderheid pensioenarisse en vroue was, staan tot verdoeming teen die veelgeroemde bevryding van Namibië en die regering se menseregte-voorstanderstatus.
ONS SAAK
Die RBG bring die volgende klagte:
1) Oortreding van seksie 242 van Kode 18 in die Amerikaanse reg, wat ook op grond van aansoeke deur buitelanders afgedwing kan word, weens die verkleuring van siviele regsfeite met die onteiening sonder vergoeding van RBG-eiendomme. Hierdie bedrog is bewys deur die transaksie in die aktedokumente waarmee die Swapo-regering dokumente verkorrupteer het en kan nie ontken word nie.
Meineed is gepleeg oor die gemeenskaplike privaateiendomme van die RBG – eiendom wat kwansuis as staatseiendomme vir hulle as begustigdes in trust gehou was. Voor-die-hand-liggend was daar geen definisies of terme hiervoor nie.
Daar bestaan nie 'n wettige trustaktekontrak wat die RBG as trustee met 'n onafhanklike Swapo-regering as begunstigde aangegaan het nie. Daar bestaan ook nie 'n stigter van sodanige trust nie.
GEEN JURISDIKSIE
2) Die verkullende verkleuring van die Aktewet en vervalste terme - teenoor bewysbare feite - het tot monopolisering, dominasie en onwettige jurisdiksie-eiening gelei. Daar was aaneenlopend gedwonge, Engelse kommunikasie in dokumentasie en spraak en onwettige veranderings, modifikasie, leuens, aannames, bewerings en raaiwerk om meineed en bedrog te pleeg met elke eiendomsoordrag onderhewig aan die RBG-akte van grondbewyse. Hierdeur is seksie 1001 (kontrakte) van Kode 18 oortree.
BESTAANSBEDREIGING
3) Seksie 1091 van Kode 18 handel oor volksmoord en die bedreiging van 'n volk se bestaan en lewensstyl.
Die vraag word gestel: Op grond van watter wet en op grond van watter bewyslewering kon Swapo aanspraak maak op trustbegunstigde eienaarskap as hulle nie eens bestaan het in 1872 toe die RBG vir Rehoboth en Basterland besit, bewoon en bewerk het nie? Die afbakening en kartering van Basterland (nie die verkleinde “Gebiet” soos onteien deur Duitsland en Suid-Afrika nie) asook die geskrewe geskiedenis dien as gedokumenteerde bewysstukke vir die RBG-eis.
BLOED EN SWEET
Die bloed- en sweetaandeel van die RBG word deur die Swapo-regering en hulle blinkgevryfde lakeie ontken. Tog spreek die feitlike bewyse en regspraak van boereverneukery vanself.
Vanaf die jaar 1872 was die RBG absolute eienaar (oorspronklike territorium titelhouer, "Allodial Titel Holder") van Basterland. Die titel was nie aan enige belasting, huurpag, dienslewering of gesag van 'n landheer onderhewig nie. Dit maak die RBG die sowereine eienaar sonder dispuut soos deur die regswoordeboek gedefinieer.
Die RBG konfronteer die Swapo-regering en hulle uitgepietste livreiknegte met aaneenlopende roof, plunder en gewapende magsdominering met die doel om die sweetaandeel van die RBG deur gierigheid weg te raap.
Hulle maak staat daarop dat die RBG-leierskap hoop sal opgee en so vlak en kunsmatig in hulle denke sal daal dat hulle nie die vermoë sal hê om uit desperate nood vir die oorlewingsbestaan van die volk wat hulle verteenwoordig, hul regte aan te gryp nie.
VERBLOEMDE DEMOKRASIE
Die RBG is 'n unieke, inheemse volk. Dit is 'n lewende, Godgeskape, asemhalende, kollektiewe konfederasie van mans, vroue en kinders wat deur die Swapo-regering verdoem word tot uitwissing omdat hulle in die weg van die verbloemde demokrasie van outokrasie staan.
Die onteiening van RBG-eiendomme deur die Swapo-regering is 'n kriminele daad wat hoofstuk drie van die Namibiese Grondwet oor fundamentele regte en vryhede oortree.
Die onteiening oortree verder 'n hele kaboedel internasionale wette en verbonde wat kwansuis deur die regering en internasionale gemeenskap gewaarborg word. Elke nasie in die wêreld staan skuldig daaraan dat hulle op subtiele wyse met verslawing beheer oor mense toepas deur allerande lisensiemisbruike en belastings op water, lug en energie.
NIE WEGGETEKEN
Daardie kluitjiebekke wat die waarheid verslenter en beweer dat wyle Kaptein Diergaardt die grond weggeteken het, is so ver uit voeling met die realiteit dat hulle die bestaan van die werklikheid ontken.
Dit toon slegs hulle fobiese leunagtigheid en skaamtelose gebrek om substansie voor te lê en dit tot hulle eie geloofwaardigheidsvernietiging. Hulle leuns is onderliggend aan die onwerklikheid van hulle belastering van 'n eerbare oortuiging. Hulle vermoë om die pynlike verdriet, lyding en laakbare ruënering van die nagedagtenis van oorblywendes te skend, is skandalig.
Die verskuilde konsentrasiekamp waarin inheemse stamme vasgekelder staan in die donker grot waarin goëlaars vuurvlam-mirages skilder, is slegs 'n bedrieglike illusie van vryheid.
Slawe staan vasgekelder, totaal verblind vir die pynlike isolasie waaraan die RBG vasgeketting is terwyl die sprinkaan op hulle handearbeid teer.
(Deel 2 verskyn Maandag.)
Hierdie is volgens die Rehoboth Bastergemeente die waarheid oor die onteiening van ons eiendomme.
Die RBG baseer hulle eis vir die herstel van ons eiendomsregte teen die Swapo-regering op gedokumenteerde bewyslewering van gronddiefstal. Daarmee plaas hulle die Swapo-regering in die openbare beskuldigingsbank.
Selfs die skaamtelose rubberkoëlslagveld in Kavukie teen 'n skadelose vergadering van Rehobothers wat geen bedreiging van enige aard was nie en waarvan die meerderheid pensioenarisse en vroue was, staan tot verdoeming teen die veelgeroemde bevryding van Namibië en die regering se menseregte-voorstanderstatus.
ONS SAAK
Die RBG bring die volgende klagte:
1) Oortreding van seksie 242 van Kode 18 in die Amerikaanse reg, wat ook op grond van aansoeke deur buitelanders afgedwing kan word, weens die verkleuring van siviele regsfeite met die onteiening sonder vergoeding van RBG-eiendomme. Hierdie bedrog is bewys deur die transaksie in die aktedokumente waarmee die Swapo-regering dokumente verkorrupteer het en kan nie ontken word nie.
Meineed is gepleeg oor die gemeenskaplike privaateiendomme van die RBG – eiendom wat kwansuis as staatseiendomme vir hulle as begustigdes in trust gehou was. Voor-die-hand-liggend was daar geen definisies of terme hiervoor nie.
Daar bestaan nie 'n wettige trustaktekontrak wat die RBG as trustee met 'n onafhanklike Swapo-regering as begunstigde aangegaan het nie. Daar bestaan ook nie 'n stigter van sodanige trust nie.
GEEN JURISDIKSIE
2) Die verkullende verkleuring van die Aktewet en vervalste terme - teenoor bewysbare feite - het tot monopolisering, dominasie en onwettige jurisdiksie-eiening gelei. Daar was aaneenlopend gedwonge, Engelse kommunikasie in dokumentasie en spraak en onwettige veranderings, modifikasie, leuens, aannames, bewerings en raaiwerk om meineed en bedrog te pleeg met elke eiendomsoordrag onderhewig aan die RBG-akte van grondbewyse. Hierdeur is seksie 1001 (kontrakte) van Kode 18 oortree.
BESTAANSBEDREIGING
3) Seksie 1091 van Kode 18 handel oor volksmoord en die bedreiging van 'n volk se bestaan en lewensstyl.
Die vraag word gestel: Op grond van watter wet en op grond van watter bewyslewering kon Swapo aanspraak maak op trustbegunstigde eienaarskap as hulle nie eens bestaan het in 1872 toe die RBG vir Rehoboth en Basterland besit, bewoon en bewerk het nie? Die afbakening en kartering van Basterland (nie die verkleinde “Gebiet” soos onteien deur Duitsland en Suid-Afrika nie) asook die geskrewe geskiedenis dien as gedokumenteerde bewysstukke vir die RBG-eis.
BLOED EN SWEET
Die bloed- en sweetaandeel van die RBG word deur die Swapo-regering en hulle blinkgevryfde lakeie ontken. Tog spreek die feitlike bewyse en regspraak van boereverneukery vanself.
Vanaf die jaar 1872 was die RBG absolute eienaar (oorspronklike territorium titelhouer, "Allodial Titel Holder") van Basterland. Die titel was nie aan enige belasting, huurpag, dienslewering of gesag van 'n landheer onderhewig nie. Dit maak die RBG die sowereine eienaar sonder dispuut soos deur die regswoordeboek gedefinieer.
Die RBG konfronteer die Swapo-regering en hulle uitgepietste livreiknegte met aaneenlopende roof, plunder en gewapende magsdominering met die doel om die sweetaandeel van die RBG deur gierigheid weg te raap.
Hulle maak staat daarop dat die RBG-leierskap hoop sal opgee en so vlak en kunsmatig in hulle denke sal daal dat hulle nie die vermoë sal hê om uit desperate nood vir die oorlewingsbestaan van die volk wat hulle verteenwoordig, hul regte aan te gryp nie.
VERBLOEMDE DEMOKRASIE
Die RBG is 'n unieke, inheemse volk. Dit is 'n lewende, Godgeskape, asemhalende, kollektiewe konfederasie van mans, vroue en kinders wat deur die Swapo-regering verdoem word tot uitwissing omdat hulle in die weg van die verbloemde demokrasie van outokrasie staan.
Die onteiening van RBG-eiendomme deur die Swapo-regering is 'n kriminele daad wat hoofstuk drie van die Namibiese Grondwet oor fundamentele regte en vryhede oortree.
Die onteiening oortree verder 'n hele kaboedel internasionale wette en verbonde wat kwansuis deur die regering en internasionale gemeenskap gewaarborg word. Elke nasie in die wêreld staan skuldig daaraan dat hulle op subtiele wyse met verslawing beheer oor mense toepas deur allerande lisensiemisbruike en belastings op water, lug en energie.
NIE WEGGETEKEN
Daardie kluitjiebekke wat die waarheid verslenter en beweer dat wyle Kaptein Diergaardt die grond weggeteken het, is so ver uit voeling met die realiteit dat hulle die bestaan van die werklikheid ontken.
Dit toon slegs hulle fobiese leunagtigheid en skaamtelose gebrek om substansie voor te lê en dit tot hulle eie geloofwaardigheidsvernietiging. Hulle leuns is onderliggend aan die onwerklikheid van hulle belastering van 'n eerbare oortuiging. Hulle vermoë om die pynlike verdriet, lyding en laakbare ruënering van die nagedagtenis van oorblywendes te skend, is skandalig.
Die verskuilde konsentrasiekamp waarin inheemse stamme vasgekelder staan in die donker grot waarin goëlaars vuurvlam-mirages skilder, is slegs 'n bedrieglike illusie van vryheid.
Slawe staan vasgekelder, totaal verblind vir die pynlike isolasie waaraan die RBG vasgeketting is terwyl die sprinkaan op hulle handearbeid teer.
(Deel 2 verskyn Maandag.)
Kommentaar
Republikein
Geen kommentaar is op hierdie artikel gelaat nie