Rand trap water ná skerp daling

Ná Woensdag se skerp verswakking in die randdollarwisselkoers tot R13,85 was die rand gisteroggend in vroeë verhandeling nog relatief stabiel.'n Maand gelede was die rand nog op R12,46 teen die dollar, maar Woensdag het die rand met soveel as 1,5% verswak in reaksie op die kredietgraderingsagentskap Moody's se kommer oor politieke risiko in Suid-Afrika.Die tekort op die lopende rekening, stadige groei en inflasiedruk maak die rand boonop van die meer kwesbare geldeenhede in die opkomende markte.Die rand het teen die euro ook verswak en is vir die eerste keer sedert Desember weer bo R16 teen 'n euro, teenoor Dinsdag se R15,76.Die Brent olieprys was gister effe teruggesak ná die skerp styging Woensdag tot US$77,62 per vat. Die olieprys verhandel teen rondom US$77,47.CHINESE BELEGGINGSIn Asië was aandelebeurse gister wisselvallig, met handelaars wat steeds skepties is dat Amerika se verwagte aankondiging oor perke op Chinese beleggings nie so skerp sal wees nie.In Japan en Suid-Korea het aandeelpryse geval, maar die Hongkongse mark was sterker. Chinese aandele het ook vorige verliese uigewis, hoewel die senuwees nog knaag oor die byna US$2 000 miljard se aandeelwaarde wat oor die afgelope vyf maande uitgewis is en die yuan wat onder druk bly.Oornag het die S&P500 op die New Yorkse beurs laer gesluit.Die JSE se indeks van alle aandele het Woensdagaand 0,21% hoër op 55 369 gesluit.MAATSKAPPYEMaatskappyenuus sover op die JSE is Afrimat wat sy verkorte geouditeerde en gekonsolideerde finansiële state uitgereik het en ook aangedui het wanneer sy jaarvergadering gehou sal word, die restaurantgroep Spur wat 'n belang van 51% in Nikos Coalgrill Greek wil koop, en die sementfirma Sephaku Holdings wat sy voorlopige resultate vir die boekjaar tot einde Maart bekend gemaak het.Hulisani het sy jaarlikse voldoeningsverslag oor breedgebaseerde swart ekonomiese bemagtiging bekend gemaak. – Netwerk24/Bloomberg

Rand trap water ná skerp daling

Kommentaar

Republikein 2026-05-05

Meld asseblief aan om kommentaar te lewer

Rand trap water ná skerp daling

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.