Rand, staatseffekte stort nie ineen weens rommelstatus

Nellie Brand-Jonker - Dis net meer as 'n maand sedert Suid-Afrika se staatskuld wat in die buiteland uitgereik word deur twee kredietgraderingsagentskappe tot rommel afgegradeer is, maar nóg die rand nóg staatseffekte het ineengestort.Buitelandse gebeure het steeds die grootste impak op wat met die rand en die beleggings in Suid-Afrikaanse staatseffekte gebeur.Dave Mohr, hoofbeleggingstrateeg, en Izak Odendaal, beleggingstrateeg van Old Mutual Multi-Managers, meen dit is deels omdat baie van die politieke risiko reeds in plaaslike bates ingeprys is en omdat internasionale gebeure baie gou die aanvanklike reaksie verberg het.“Internasionale beleggers het miljarde rande se plaaslike effekte gedurende Maart en April gekoop, en die kabinetskommeling en graderingsagentskappe het soos water van 'n eend se rug geloop,” sê hulle in 'n ontleding oor waar Suid-Afrika 'n maand ná rommelstatus staan.Die JSE se indeks van alle aandele het verlede Dinsdag sy hoogste vlak in 11 maande bereik en die hoogste vlak die jaar toe dit op 53 915,64 gesluit het, effens teruggedeins, maar Maandag 17 punte of 0,2% tot 53 696 indekspunte gestyg.Die impak van internasionale gebeure op die plaaslike geldeenheid is ook Maandag gesien toe die rand aanvanklik versterk het, maar die dag 18c of 1,4% tot R13,61 verswak het.MacronDit is ten spyte van markontleders wat vroegoggend gedink het die rand behoort te versterk ná die oorwinning van Emmanuel Macron Sondag in die Franse presidentsverkiesing.Die rand het soos ander geldeenhede verswak nadat beleggers wins uit die lopie die afgelope twee weke geneem het.Die rand het skerp versterk twee weke gelede toe dit gelyk het of Macron gaan wen.Dit het internasionale beleggers wêreldwyd hoop gegee dat radikale politici nie die oorhand kry nie en die aptyt vir risiko laat toeneem nie.Annabel Bishop, ekonoom van Investec Bank, het in 'n vooruitsig oor die rand gesê die internasionale soektog na opbrengste het die meeste van die onmiddellike impak van die afgraderings teengewerk, maar die rand gaan waarskynlik wisselvallig bly.HulpbronpryseLaer hulpbronpryse het ook 'n impak op die rand gehad.Hulpbronaandele en hulpbronindekse op die JSE het ook gister laer gesluit. Hulpbronaandele is afgetrek ná die nuus dat China se invoergroei vinniger verlangsaam het in April as wat verwag is, het Fin24 berig.Mohr en Odendaal het gesê 'n maand ná die afgradering is daar geen sigbare nuwe regeringsbeleid op die tafel nie.Die nuwe minister van finansies hou vol hy is verbind tot die begroting wat begin vanjaar voorgelê is.Hulle meen hy sal eers in Oktober met die mediumtermyn-begroting kans kry om te toon of hy gaan afwyk.Mohr het gesê terselfdertyd het die ekonomiese vooruitsigte die afgelope maand nie veel verander nie.“Dis te pessimisties om nou te verwag dat die ekonomie weens die verandering in die kredietgradering 'n resessie sal ingaan.”SyfersHy het gesê ekonomiese inligting wat uitgereik is, is van 'n tydperk voor die afgradering.Drie ekonomiese syfers wat ná die afgradering uitgereik is, is egter skerp laer, wat op 'n daling in die vertroue van verbruikers en sakelui kan dui. Dit sluit in nuwevoertuigverkope en aankope deur die private sektor.Hy het gesê die goeie nuus is dat die inflasievooruitsigte al hoe meer verbeter. Die verbruikersinflasie het in Maart tot 6,1% verlangsaam en kerninflasie het betekenisvol tot onder 5% verlangsaam.Teen hierdie agtergrond gaan die Reserwebank waarskynlik rentekoerse vir die grootste deel van die jaar onveranderd hou. – Netwerk24

Rand, staatseffekte stort nie ineen weens rommelstatus

Kommentaar

Republikein 2025-11-05

Meld asseblief aan om kommentaar te lewer

Rand, staatseffekte stort nie ineen weens rommelstatus

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.