Ramaphosa: ‘SA op pad na ekonomiese herstel’

Pres. Cyril Ramaphosa het internasionale beleggers en sakeleiers verseker dat Suid-Afrika op die pad na ekonomiese herstel is, aangesien die regering ’n sakevriendelike omgewing skep wat beleggersvertroue sal bevorder.Ramaphosa het Woensdag verskeie groepe in Londen toegespreek op die vooraand van die spitsberaad van Statebondslande. Hy het onder meer ’n middagete toegespreek wat deur die nuusdiens Bloomberg georganiseer is.Ramaphosa sê die skep van ’n omgewing wat beleggingsvriendelik is, sluit in die doeltreffende bestuur van die leiersoorgang in die regering, “wat ’n nuwe era van hoop en vertroue inlui”. Ramaphosa het in Desember leier van die ANC geword en in Februarie die president van Suid-Afrika nadat oudpres. Jacob Zuma eindelik bedank het. Ramaphosa het gesê daar is reeds ’n beduidende verbetering in sake- en beleggersvertroue.“Die regering stel maatreëls in werking om die ekonomie op ’n nuwe pad van groei, werkskepping en transformasie te plaas. Ons beweeg vinnig om geloofwaardigheid te herstel, geldsake te stabiliseer en die bedryfsprestasie en korporatiewe beheer by staatsondernemings te verbeter.”Hoewel fiskale omstandighede moeilik bly, het Ramaphosa belowe die regering probeer skuld in toom bring en staatsbesteding beperk.Die spitsberaad van Statebondslande het gister (Donderdag) amptelik met die openingseremonie en amptelike verwelkoming deur premier Theresa May van Brittanje begin.Die Statebond se 53 lede vergader elke twee jaar. Vanjaar is klimaatsverandering onder die onderwerpe wat spesiale aandag sal geniet. - Netwerk24

Ramaphosa: ‘SA op pad na ekonomiese herstel’

Kommentaar

Republikein 2026-03-23

Meld asseblief aan om kommentaar te lewer

Ramaphosa: ‘SA op pad na ekonomiese herstel’

Kommentaar

Republikein 2026-03-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.