Ramaphosa maak voorspraak vir SA in Londen

Pres. Cyril Ramaphosa het gister in Londen aangekom waar hy die Suid-Afrikaanse afvaardiging na die Statebond se tweejaarlikse beraad van staatshoofde (CHOGM) gaan lei.Luidens ’n verklaring van die presidensie word dié beraad Donderdag en Vrydag met die tema “Op pad na ’n Gesamentlike Toekoms” gehou.Gedurende sy besoek in Londen gaan Ramaphosa ook vir koningin Elizabeth II ontmoet, met Theresa May, Britse premier, vergader en by die banket van die Statebond-sakeforum praat.Ramaphosa en die Suid-Afrikaanse afvaardiging sal voortgaan om voorspraak te maak vir Suid-Afrika as kandidaat om op die VN se veiligheidsraad vir die termyn van 2019-’20 te sit, met die verkiesings wat op 8 Junie gehou word.Met die CHOGM-beraad kry staatshoofde die geleentheid om algemene internasionale uitdagings te bespreek wat die Statebond se lede raak. Dit sluit in swak globale handel en vloei van beleggings, veiligheidsoorwegings in die 21ste eeu en om kleiner en kwesbare lande te help veerkragtigheid bou in die lig van klimaatsverandering.Aan die einde van die beraad sal ’n uitkomstedokument opgestel word, wat as ’n aksieprogram vir die Statebond oor die volgende twee jaar sal dien.“Vir Suid-Afrika is die beraad ’n geleentheid om die land te bemark en as ’n beleggingsbestemming te bevorder,” lui die presidensie se verklaring.Ramaphosa sal Vrydag terugkeer. - Netwerk24

Ramaphosa maak voorspraak vir SA in Londen

Kommentaar

Republikein 2025-11-04

Meld asseblief aan om kommentaar te lewer

Ramaphosa maak voorspraak vir SA in Londen

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.