Rakette tref balle sommer binnekort

Andrew Poolman – Die opgewondenheid om weer aktief in sport te mag meeding, is in die vooruitsig met die Namibiese Tennisvereniging (NTA) se hervatting van sy eerste junior toernooi post-Covid-19.Die toernooi sal op 12 en 13 Junie plaasvind en die hoofstad Windhoek sal die plek wees waar spelers vanaf agt- tot 18-jarige ouderdomme in hul onderskeie ouderdomsklasse kan inskryf.“Protokol vir vlak 3 van die nasionale noodtoestand teen Covid-19 sal van toepassing wees. Spelers sal nie voor of ná wedstryde hand skud nie en elkeen moet sy eie handdoeke en voeding saambring. Beperkings sal ook op die getal toeskouers geld, afhangend van hoe die Sportkommissie dit hopelik vandeesweek aankondig,” sê me. Santie van der Walt, een van die organiseerders.“Ons spelers mag darem reeds vir die laaste maand of langer geoefen het, en almal brand behoorlik om weer te begin speel,” sê sy.Die tennisbane van Sentraal, SKW en Polisie sal vir die toernooi ingespan word.Inskrywings sluit komende Sondag en word aanlyn op die toep www.ntajuniortennis.teamapp.com gedoen. Die koste beloop N$200 vir spelers wat by die NTA geaffilieer is, of N$300 vir ongeregistreerde spelers. Die toernooidirekteur is Ruhan du Rand (sel. 081 241 2219).STRENG INPERKINGDie Internasionale Tennisfederasie (ITF) het reeds bekend gemaak dat geen internasionale junior wedstryde of toernooie tot minstens einde Julie sal plaasvind nie, voordat die situasie heroorweeg sal word.Namibië se hoogste gekeurde speler op die junior wêreldranglys, die 15-jarige Connor van Schalkwyk (tans 377ste), bevind hom saam met sy ouers in die baie streng inperkings wat in Marokko van krag is.In Marokko, waarheen die Van Schalkwyk-gesin verhuis het vir Connor en sy ouboet Codie se bywoning van 'n ITF-oefensentrum, word binnenshuise inperking streng deur die geregsowerhede afgedwing en Connor was na verneem word in middel Maart laas buite hul woonstel – 80 dae gelede.Codie (18) bevind hom in Pretoria by familielede, waar hy by 'n tennisbaan en swembad veel groter vryheid vir oefening as die res van sy gesin kon geniet. Hy was 243ste toe die junior wêreldranglys op 16 Maart die laaste keer op datum gebring is.

Rakette tref balle sommer binnekort

Kommentaar

Republikein 2026-07-31

Meld asseblief aan om kommentaar te lewer

Rakette tref balle sommer binnekort

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.