R60 miljoen vir KWV-handelsname
Nellie Brand-Jonker - KWV se bekende handelsname gaan vir R60 miljoen gekoop word.
Dit blyk uit die omsendbrief aan KWV-aandeelhouers oor die aanbod van die Vasari-groep van maatskappye om sy bedryfsbates en handelsname te koop.
Net sekere geboue, soos Laborie en sy hoofgebou in die Paarl, en sy versameling van bekende Suid-Afrikaanse kunsmeesters wat oor die jare opgebou is, bly agter.
KWV het in Mei aangekondig hy het ’n aanbod van R1,15 miljard vir sy bedryfsbates, handelsname en voorraad van die Vasari-groep ontvang.
Dié verkryging verteenwoordig ’n terugkeer na die Suid-Afrikaanse mark vir Vivian Imerman, wat in die 80’s en 90’s by die JSE-genoteerde voedselgroep Del Monte betrokke was.
Dit vorm deel van Vasari se strategie om ’n drankgroep in Afrika en Asië op te bou.
Aandeelhouers wat hul asem opgehou het vir meer inligting oor wanneer die kontant deur KWV aan hulle versprei sal word, het geen antwoorde in die omsendbrief gekry nie.
OOREENKOMS
Die R1,15 miljard gaan in dele betaal word. Die eerste bedrag van R515 miljoen word betaal op die dag dat die transaksie in werking tree. Dit sluit die R60 miljoen vir die handelsname uit. Die res gaan oor drie opeenvolgende jare betaal word en rente sal op die bedrag verdien word.
KWV sê in die omsendbrief die transaksie kom daarop neer dat sowat R16,91 per aandeel vir die bedryfsbates betaal word. Dit is ’n premie van R10,93 op die geweegde gemiddelde aandeelprys van KWV einde Maart oor die voorafgaande 12 maande.
Die waarde van die nie-bedryfsbates, wat nie verkoop gaan word nie, is R3 per aandeel. Die nie-bedryfsbates wat nie verkoop word nie en wat binne KWV Suid-Afrika bly, sluit in ’n 31%-belang in die Paarl Valley Bottling Company. Dit sluit ook ander nie-bedryfsbates soos grond en eiendom in.
Warshay, ’n filiaal van Vasari, gaan ook ’n ooreenkoms met KWV Suid-Afrika onderteken ingevolge waarvan sekere wingerde aan hom onderverhuur gaan word. Warshay gaan die restaurant, proekamer, akkommodasiegeriewe en Bar Di Bar van Laborie van KWV Suid-Afrika huur. ’n Gedeelte van KWV se hoofkantoor, La Concorde, en KWV Sensorium gaan ook gehuur word.
ONAFHANKLIKE KUNDIGE
Die onafhanklike kundige wat aangestel is om te bepaal of die transaksie billik en redelik is, is KPMG.
KPMG sê in die omsendbrief die voorwaardes en bepalings van die aanbod is redelik onder die omstandighede.
KWV Beherend se aandeelhouers moet op 29 Julie in die hoofkantoor in die Paarl op ’n algemene vergadering die spesiale en gewone resolusies wat met die transaksie verband hou, goedkeur.
- Netwerk24
Dit blyk uit die omsendbrief aan KWV-aandeelhouers oor die aanbod van die Vasari-groep van maatskappye om sy bedryfsbates en handelsname te koop.
Net sekere geboue, soos Laborie en sy hoofgebou in die Paarl, en sy versameling van bekende Suid-Afrikaanse kunsmeesters wat oor die jare opgebou is, bly agter.
KWV het in Mei aangekondig hy het ’n aanbod van R1,15 miljard vir sy bedryfsbates, handelsname en voorraad van die Vasari-groep ontvang.
Dié verkryging verteenwoordig ’n terugkeer na die Suid-Afrikaanse mark vir Vivian Imerman, wat in die 80’s en 90’s by die JSE-genoteerde voedselgroep Del Monte betrokke was.
Dit vorm deel van Vasari se strategie om ’n drankgroep in Afrika en Asië op te bou.
Aandeelhouers wat hul asem opgehou het vir meer inligting oor wanneer die kontant deur KWV aan hulle versprei sal word, het geen antwoorde in die omsendbrief gekry nie.
OOREENKOMS
Die R1,15 miljard gaan in dele betaal word. Die eerste bedrag van R515 miljoen word betaal op die dag dat die transaksie in werking tree. Dit sluit die R60 miljoen vir die handelsname uit. Die res gaan oor drie opeenvolgende jare betaal word en rente sal op die bedrag verdien word.
KWV sê in die omsendbrief die transaksie kom daarop neer dat sowat R16,91 per aandeel vir die bedryfsbates betaal word. Dit is ’n premie van R10,93 op die geweegde gemiddelde aandeelprys van KWV einde Maart oor die voorafgaande 12 maande.
Die waarde van die nie-bedryfsbates, wat nie verkoop gaan word nie, is R3 per aandeel. Die nie-bedryfsbates wat nie verkoop word nie en wat binne KWV Suid-Afrika bly, sluit in ’n 31%-belang in die Paarl Valley Bottling Company. Dit sluit ook ander nie-bedryfsbates soos grond en eiendom in.
Warshay, ’n filiaal van Vasari, gaan ook ’n ooreenkoms met KWV Suid-Afrika onderteken ingevolge waarvan sekere wingerde aan hom onderverhuur gaan word. Warshay gaan die restaurant, proekamer, akkommodasiegeriewe en Bar Di Bar van Laborie van KWV Suid-Afrika huur. ’n Gedeelte van KWV se hoofkantoor, La Concorde, en KWV Sensorium gaan ook gehuur word.
ONAFHANKLIKE KUNDIGE
Die onafhanklike kundige wat aangestel is om te bepaal of die transaksie billik en redelik is, is KPMG.
KPMG sê in die omsendbrief die voorwaardes en bepalings van die aanbod is redelik onder die omstandighede.
KWV Beherend se aandeelhouers moet op 29 Julie in die hoofkantoor in die Paarl op ’n algemene vergadering die spesiale en gewone resolusies wat met die transaksie verband hou, goedkeur.
- Netwerk24
Kommentaar
Republikein
Geen kommentaar is op hierdie artikel gelaat nie