Pynpille uit staatsgeriewe onttrek
Henriette Lamprecht
Parasetamol-tablette wat deur 'n Chinese maatskappy aan die Sentrale Mediese Store (CMS) verskaf en later deur die ministerie van gesondheid en maatskaplike dienste onttrek is, is uit die verspreidingsiklus aan openbare gesondheidsgeriewe onttrek.
'n Verteenwoordiger van CMS het by navraag gesê die tablette wat deur Yiling Pharmaceuticals Ltd. verskaf is, was reeds aan 'n paar gesondheidsgeriewe gestuur.
Opdrag om die spesifieke reeksnommer 200327 te onttrek, is deur die registrateur van die Namibiese Medisynebeheerraad (NMRC), mnr. Johannes Gaeseb, gegee.
Volgens Gaeseb het die betrokke produk die voorkomstoets gedop. Volgens Gaeseb het die pille “swart kolle” gehad en was dit gevolglik nie geskik vir verspreiding nie.
Hy het beklemtoon enige ander pille van die betrokke reeks van dieselfde produk met soortgelyke kwaliteitkwessies moet ook herroep word.
Volgens die verteenwoordiger by die CMS is die betrokke reeks waarna Gaeseb verwys, onttrek.
BETROKKE REEKSNOMMER
“Slegs die pille met die betrokke reeksnommer 200327 is herroep. Enige ander reeks wat gebreke in kwaliteit toon, moet volgens die opdrag van NMRC ook onttrek word,” het hy gesê.
Volgens hom het die store egter nie inligting ontvang van ander reekse wat soortgelyke kommer oor kwaliteit wek nie.
Hy het beklemtoon die onttrekking van die tablette het tot geen tekort aan parasetamol-tablette by openbare gesondheidsgeriewe in die land gelei nie.
“CMS het ander reekse wat aan die standaarde vir farmaseutiese produkte voldoen.”
Volgens hom het die CMS tans genoeg van dié betrokke pille in voorraad om aan gesondheidsgeriewe te verskaf.
“Die oomblik wanneer die voorraadvlakke van so aard is dat ons weer moet bestel, sal dit soos volgens goedgekeurde aankoopprosedures aangevul word.” – [email protected]
Parasetamol-tablette wat deur 'n Chinese maatskappy aan die Sentrale Mediese Store (CMS) verskaf en later deur die ministerie van gesondheid en maatskaplike dienste onttrek is, is uit die verspreidingsiklus aan openbare gesondheidsgeriewe onttrek.
'n Verteenwoordiger van CMS het by navraag gesê die tablette wat deur Yiling Pharmaceuticals Ltd. verskaf is, was reeds aan 'n paar gesondheidsgeriewe gestuur.
Opdrag om die spesifieke reeksnommer 200327 te onttrek, is deur die registrateur van die Namibiese Medisynebeheerraad (NMRC), mnr. Johannes Gaeseb, gegee.
Volgens Gaeseb het die betrokke produk die voorkomstoets gedop. Volgens Gaeseb het die pille “swart kolle” gehad en was dit gevolglik nie geskik vir verspreiding nie.
Hy het beklemtoon enige ander pille van die betrokke reeks van dieselfde produk met soortgelyke kwaliteitkwessies moet ook herroep word.
Volgens die verteenwoordiger by die CMS is die betrokke reeks waarna Gaeseb verwys, onttrek.
BETROKKE REEKSNOMMER
“Slegs die pille met die betrokke reeksnommer 200327 is herroep. Enige ander reeks wat gebreke in kwaliteit toon, moet volgens die opdrag van NMRC ook onttrek word,” het hy gesê.
Volgens hom het die store egter nie inligting ontvang van ander reekse wat soortgelyke kommer oor kwaliteit wek nie.
Hy het beklemtoon die onttrekking van die tablette het tot geen tekort aan parasetamol-tablette by openbare gesondheidsgeriewe in die land gelei nie.
“CMS het ander reekse wat aan die standaarde vir farmaseutiese produkte voldoen.”
Volgens hom het die CMS tans genoeg van dié betrokke pille in voorraad om aan gesondheidsgeriewe te verskaf.
“Die oomblik wanneer die voorraadvlakke van so aard is dat ons weer moet bestel, sal dit soos volgens goedgekeurde aankoopprosedures aangevul word.” – [email protected]
Kommentaar
Republikein
Geen kommentaar is op hierdie artikel gelaat nie