PwC: Wêreld se topbestuur verwag rowwe jaar

William Horne – Die aantal uitvoerende hoofde wêreldwyd wat pessimisties is oor 2019 se ekonomiese vooruitsigte het met 436% teenoor die vorige jaar toegeneem.Dit is luidens die jongste PwC Global CEO Outlook-peiling, wat 1 378 uitvoerende hoofde se siening oor 2019 gemeet het.Die bestuurslui wat deel was van vanjaar se opname kom uit 90 verskillende lande.In Suid-Afrika is onderhoude met 55 uitvoerende hoofde gevoer, waarvan 60% se maatskappye minstens $100 miljoen werd is.In die PwC-verslag vir 2018 het slegs 5% van alle bestuurslui gevoel dat wêreldwye ekonomiese groei in die volgende 12 maande sal verlangsaam of verswak maar dit het nou tot 29% gestyg.Tot dusver dien die resultate van PwC se jaarlikse peiling as uitstekende aanwysers van hoe die wêreldwye ekonomie gaan verander, het Lulu Krugel, PwC se hoofekonoom, op die bekendstelling van die verslag Dinsdag in Johannesburg gesê. “Die korrelasie is merkwaardig,” sê Krugel.Die persentasie bestuurslui wat glo dat ekonomiese groei sal verlangsaam het só verander onder die verskillende streke sedert die vorige opname:· Asië: 5% (2018) – 28% (2019)· Suid-Amerika: 5% (2018) – 23% (2019)· Afrika: 10% (2018) – 25% (2019)· Sentraal- en Oos-Europa: 6% (2018) – 31% (2019)· Wes-Europa: 4% (2018) – 33% (2019)· Noord-Amerika: 3% (2018) – 28% (2019)· Midde-Ooste: 10% (2018) – 38% (2019)Voorspellings het aansienlik verander teenoor die vorige opname, toe bestuurslui baie meer positief was oor die wêreldekonomie.Soos dit nou staan, is die aantal optimistiese hoofde steeds ’n ietwat meer as dié wat negatief is oor 2019 se ekonomiese vooruitsigte, maar het wel skerp gedaal: van 57% tot 42% internasionaal; en van 37% tot 30% in Suid-Afrika.Kommerwekkend is ook dat die aantal neutrale opinies nou die laagste in agt jaar is, terwyl die gaping tussen positiewe en negatiewe sentiment vinnig krimp.Volgens PwC se verslag het slegs 18% (in vergelyking met 22% in 2018) van Suid-Afrikaanse uitvoerende hoofde “baie vertroue” in hul eie maatskappy se vooruitsigte vir omsetgroei in 2019.Die verslag wys die volgende faktore uit as dit wat maatskappye die meeste bekommerd maak. Persentasies dui aan hoeveel bestuurslui die faktore geïdentifiseer het as kritieke probleme:· Onsekerheid oor ekonomiese groei: 68% (SA)/24% (internasionaal)· Maatskaplike onstabiliteit: 68% / 18%· Onsekerheid oor beleidsrigting: 65% / 35%· Werkloosheid: 63% / 13%· Populisme: 55% / 28%· Wisselkoers-onbestendigheid: 49% / 26%· Spoed van tegnologiese verandering: 38% / 28%· Kubergevare: 38% / 30%· Geopolitiese onsekerheid: 35% / 30%· Onvoldoende basiese infrastruktuur: 33% / 17%· Beskikbaarheid van noodsaaklike vaardighede: 33% / 34%Suid-Afrika se uitvoerende hoofde is wel heelwat meer optimisties oor hul eie ondernemings se vooruitsigte op kort termyn as hul internasionale portuurgroep.Volgens Dion Shango, uitvoerende hoof van PwC Suider-Afrika, is die vergelykende plaaslike optimisme dalk vanweë pres. Cyril Ramaphosa se pogings tot hervorming van jare se ondoeltreffende ekonomiese beleid, asook sogenoemde “Ramaforie”.Maar Shango sê dit is dalk ook net dat ondernemings in Suid-Afrika op ’n punt gekom het waar hulle doodeenvoudig voel “dinge kan net nie nog erger raak nie”.Die siening word ondersteun deur die feit dat die aantal van die mees optimistiese uitvoerende hoofde in Suid-Afrika nou laer as selfs tydens die finansiële krisis van 2008-’09 is.Die toenemende spanning op plaaslike ondernemings beteken dat uitvoerende hoofde nou meer fokus op interne strategieë vir volhoubare groei, en dié tendens word ook al hoe meer teenwoordig internasionaal, sê Shango.In Suid-Afrika weet 15% van uitvoerende hoofde nie meer na watter buitelandse markte om uit te brei nie, en die aantal wat in geen ander land wil belê nie, het van 2% tot 8% in 2019 toegeneem.Shango verduidelik dat die jaar vorentoe moeiliker as verwag gaan wees, maar solank positiewe sentiment selfs net nog ietwat meer is as die negatiewe vooruitsigte “sal daar nog groei wees vir plaaslike ondernemings”. – Netwerk24

PwC: Wêreld se topbestuur verwag rowwe jaar

Kommentaar

Republikein 2025-06-18

Meld asseblief aan om kommentaar te lewer

PwC: Wêreld se topbestuur verwag rowwe jaar

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie