PwC: 3 redes om nie repokoers nou te verhoog

Elvira Wood Die laer petrolprys, die stadiger pas waarteen die Federale Reserweraad (Fed) rentekoerse in die VSA verhoog en die druk op die Suid-Afrikaanse ekonomie is drie goeie redes hoekom die Reserwebank nie die repokoers vandeesweek sal verhoog nie, sê PwC.Die Reserwebank se monetêrebeleidskomitee (MBK) maak môre sy jongste besluit oor rentekoerse bekend.Die Reserwebank het die repokoers in November met 25 basispunte tot 6,75% verhoog, wat die banke se prima uitleenkoers tot 10,25% laat styg het. Dit was die eerste styging sedert Maart 2016.Lesetja Kganyago, president van die Reserwebank, het toe gesê as die repokoers nie in November verhoog is nie en die MBK besluit het om eerder tot 2019 te wag om te sien wat met inflasie gebeur, sou dit die risiko verhoog het dat die repokoers later meer aggressief sou moes styg.PwC skryf in sy vooruitsig oor die repokoers wat hy Maandag uitgereik het, die Reserwebank verwag nou as hy die repokoers voor die einde van 2020 nog drie keer met 25 basispunte verhoog, sal inflasie onderskeidelik 5,5% in 2019 en 5,4% in 2020 wees.“Terwyl die kwartaallikse projeksiemodel, wat as beleidsriglyn vir die MBK dien, drie verdere rentekoersverhogings teen die einde van 2020 voorstel, glo PwC dat die bank nie die repokoers in Januarie sal verhoog nie.”DRIE REDESHier is die drie redes hoekom nie:1. Die petrolprysRuoliepryse het in die vierde kwartaal van verlede jaar gedaal in die lig van die handelspanning tussen die VSA en China en kommer oor ’n verlangsaming in wêreldwye ekonomiese groei.Dit het welkome verligting vir die petrolprys gebring, wat druk verlig op die inflasievooruitsigte.2. Die Fed se koersePwC sê wanneer rentekoerse in ontwikkelde ekonomieë soos die VSA styg, moet ontluikende markte soos Suid-Afrika ook hul rentekoerse verhoog.Hoewel die Fed rentekoerse die afgelope drie jaar reeds nege keer verhoog het, lyk dit asof die Fed nou die pas gaan verlangsaam in die lig daarvan dat die S&P 500-indeks in Desember 9,3% van sy waarde verloor het.PwC meen dit kan beleggers oortuig om hoër opbrengste in ontluikende lande na te jaag. Dit kan die geldeenhede van ontluikende markte soos Suid-Afrika bevoordeel. ’n Sterker rand is ’n goeie rede om nie die repokoers se verhoog nie, skryf PwC.3. SA ekonomiePwC sê ekonomiese groei in 2018 was teleurstellend, ondanks verbeterde verbruikers- en sakevertroue. Hy verwag dat die ekonomie in 2019 en 2020 effens sal verbeter danksy ’n verwagte sikliese opswaai en verbeteringe in ekonomiese sentiment.“Die moontlikheid van fiskale verswakking en ’n gebrek aan strukturele hervormings kan egter oor langer termyn ekonomiese vooruitsigte onder druk plaas.“Voorts is daar hernude kommer oor elektrisiteitsvoorsiening en of Eskom as lopende saak kan voortbestaan, wat weer die risiko’s in 2019 verhoog vir ekonomiese groei, inflasie, fiskale uitkomste en kredietgraderings.“Swak ekonomiese groei en aanduidings van ’n voorlopige herstel in 2019 en 2020 sal waarskynlik keer dat die Reserwebank die repokoers in Januarie gaan verhoog.PwC sê egter daar is steeds ’n kans dat die MBK wel môre die repokoers met 25 basispunte gaan verhoog en sy beplande verhogings tussen nou en einde 2020 gaan deurvoer. – Netwerk24

PwC: 3 redes om nie repokoers nou te verhoog

Kommentaar

Republikein 2026-11-03

Meld asseblief aan om kommentaar te lewer

PwC: 3 redes om nie repokoers nou te verhoog

Kommentaar

Republikein 2026-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.