Puik vangste om seisoen af te sluit

Tielman van Lill - Die Namibië Strandhengelvereniging (NSAA) het vandeesmaand sy vyfde en laaste interklubkompetisie vir 2019 noord van Hentiesbaai aangebied.Die spanne van 15 klubs het douvoordag na Myl 108 vertrek om die hengelgebied en tyd vas te stel. Die onderskeie kapteins het ooreengekom die spanne gaan mekaar tussen 08:00 en 16:00 die stryd aansê vanaf Blare tot by die Weerligklippe by die Winston se wrak wat net-net suid van die grens is.Die water het gunstig gelyk en die weer het lekker saamgespeel om ’n uitstekende hengeldag langs die viswaters te verseker. Elk van die 495 haaie van altesame 3 789.8 kilogram is met die grootste sorg in die water terug geplaas. Die meeste oneetbare vis wat aan die hoek beetgekry is, was 206 sloephaaie met ’n massa van 2 124.4 kg gevolg deur 149 St. Joseph-haaie van 570.5 kg. Weens die slurpie aan die St. Joseph-spesie word dit onder die vissermanne ook die olifanthaai genoem.Die sloephaai of spottie (spotted gulley shark) bring natuurlik ook lekker punte vir die hengelaars op hul telkaarte. Die bronshaai (bronsie) geniet weens sy gewig voorkeur by die hengelaars wat soms vir ure moet vastrap om ’n knewel van 100 kg en swaarder op die strand uit te sleep.Johan Mostert van die Atlantic-hengelklub in Walvisbaai was die gelukkige hengelaar om ’n bronsie van 71 kg na sy hoek te lok en dié knewel het aan hom die prys vir die swaarste oneetbare vis besorg. Eetbaar, maar nie in dieselfde klas nie, was die kabeljou van 7.7 kg wat Louis Arangies van die Benguela-hengelklub in Windhoek na die skaal gedra het om dié afdeling te wen. Nege-en-sestig eetbare visse van 108.6 kg is tussen 41 hengelaars gevang.Die Henties-byeenkoms se pryswenners:Tophengelaars: 1 Emil Prinsloo (Orca-hengelklub, 149.1 kg), 2 Dale Smith (Penguin, 124.4 kg), Johan Mostert (Atlantic, 102.8 kg).Topklubs: 1 Penguin (398.2 kg), 2 Orca (395 kg), 3 Walvisbaai-hengelklub (279.4 kg).Beste vrouehengelaars: 1 Lindie Krauze (Hentiesbaai-hengelkub, 55.7 kg), 2 Angelique Connoway (Mako, 25.4 kg), 3 Megan Connoway (Mako, 22 kg).Voorste o.21-hengelaars: 1 Henko Snyman (Penguin, 84.3 kg), 2 Iwan Kotze (Seagulls, 36.6 kg), Kevin Page (Penguin, 21.4 kg).Voorste o.16-hengelaars: 1 Francois Wolfaardt (Walvisbaai, 35.9 kg), Herman Krauze (Hentiesbaai, 32.1 kg), Sven Welzig (Atlantic, 17.6 kg).Senior mans: 1 Johan Mostert (Atlantic, 102.8 kg), 2 Dale Smith (Penguin, 102.6 kg), 3 Martinus Venter (Otjiwarongo, 102.1 kg). Senior vroue: 1 Angelique Connoway (Mako, 25.4 kg), 2 Megan Connoway (Mako, 22 kg), 3 Maryna Viljoen (Steenbras-hengelklub, 20.5 kg).Veteraanmans: 1 Emil Prinsloo (Orca, 149.1 kg), 2 Allen Langenstrassen (Penguin, 58.4 kg), 3 Martin Cordier (Walvisbaai, 55.3 kg). Veteraanvroue: 1 Lindie Krauze (Hentiesbaai, 55.7 kg), 2 Elaine Vorster (Hentiesbaai, 21.7 kg), 3 Lydia Cilliers (Benguella, 10 kg).Meestersmans: 1 Lourens Fourie (Hentiesbaai, 45.4 kg), 2 Terence Clark (Walvisbaai, 40.7 kg), 3 Henry Loubser (Penguin, 38.4 kg). Meestervroue: 1 Hermien Theron (Hentiesbaai, 9.9 kg), 2 Nedjilka Kohler (Hentiesbaai, 4.1 kg).Grootmeesters mans: 1 Jörg Walter (Atlantic, 25.3 kg), 2 André Muller (Welwitschia, 23.7 kg), 3 Jacobus Steyl (Atlantic, 17.4 kg). Grootmeesters vroue: 1 Michele Andersen (Hentiesbaai, 3.8 kg), 2 Sue Drake (Mako, 2.8 kg).Lees volgende week meer oor die uitgesoekte Namibiese spanne wat vanaf 3 tot 5 Desember by Struisbaai in Suid-Afrika aan ’n gala-kampioenskap gaan deelneem.- tielman@republikein.com.na

Puik vangste om seisoen af te sluit

Kommentaar

Republikein 2026-03-18

Meld asseblief aan om kommentaar te lewer

Puik vangste om seisoen af te sluit

Kommentaar

Republikein 2026-03-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.