Psemas skrap 15 000 lede

Kantoor van ombudsman stel ondersoek in

16 September 2021 | Gesondheid
Henriette Lamprecht – Die kantoor van die ­ombudsman het 'n ondersoek van stapel gestuur nadat verskeie pensioe­narisse voorheen verbonde aan die staatsdiens moes uitvind hulle is summier van die staat se mediese fonds (Psemas) geskrap.

Volgens die ombudsman, adv. John Walters, het die ondersoek gevolg ná navrae in dié verband by sy kantoor aangemeld is. Walters sê die verslag is nou vir kommentaar na die waarnemende uitvoerende direkteur van finansies gestuur wat voor 24 September daarop moet reageer. Die verslag en bevindinge sal daarna bekend gemaak word.

Republikein het verskeie navrae van pensioenarisse ontvang wat met die gebruiklike maandelikse afhaal van chroniese medikasie ingelig is hulle is nie meer deel van die mediese fonds nie.

Volgens een van die pensioenarisse is sy en haar man “summier” van die fonds verwyder.

“Ek moes vandag my maandelikse chroniese medikasie gaan haal, maar is meegedeel dat beide ek en my man van die fonds verwyder is. Volgens die apteker is daar baie lede met dieselfde probleem.”

Sy het gevolglik verskeie nommers by die mediese fonds geskakel, maar geen antwoord gekry nie.

“Hoe moet ek nou aangaan sonder my chroniese medikasie? My bydrae vir die medies word outomaties van my salaris afgetrek, dit is dus betaal. Waar kan ons hulp kry as hul nie hul telefone antwoord nie?”

Volgens die ministerie van ­finansies is meer as 15 000 mense sedert 3 September van die mediese fonds afgehaal. Die ministerie het by monde van sy woordvoerder, mnr. Tonateni Shidhudhu, gesê 'n verifiëringsprojek vir lidmaatskap van die fonds het vasgestel 15 162 afgetrede personeellede dra nie tot die fonds by nie en het ook nie weer met hul aftrede heraansoek gedoen om as lede van die fonds aan te bly nie. Dit ten spyte van die feit dat hulle sedert hul aftrede ten volle uit die mediese fonds voordeel getrek het.

Shidhudhu verwys na personeelreëls vir staatsdiensamptenare en 'n klousule wat betrekking het op ­pensioenarisse wat deel van die skema is. Hiervolgens moet die betrokke persoon aansoek doen op die voorgeskrewe aansoekvorm vir lidmaatskap van Psemas by die ministerie van finansies.

Dit moet binne 90 dae vanaf die datum van aftrede geskied. Sou dit nie binne die voorgeskrewe tydperk gebeur nie, sal die persoon sy regte verbeur om deel van die fonds te bly.

Met verwysing na die opskorting en beëindiging van lidmaatskap word 'n lid se lidmaatskap opgeskort as die persoon se maandelikse premies drie maande agterstallig is, óf indien enige gelde verskuldig nie binne 'n maand van 'n kennisgewing in dié verband betaal is nie.

Volgens die ondersoek het 'n gedeelte van die ­geraakte afgetredenes hulle volle pensioenvoordele onttrek.

“Dit is 'n vereiste dat bydraes vir Psemas maandeliks van pensioenvoordele afgetrek word,” het Shidhudhu gesê.

In lyn met die bogenoemde personeelreëls en die bevindinge van die verifiëringsprojek is besluit om die mediese fonds van die geraakte lede op 3 September te beëindig.

Hy het beklemtoon alle regeringspersoneel word met hul aftrede en deur 'n aftredingsbrief ingelig dat hulle binne 90 dae moet aansoek doen as hulle steeds met Psemas wil voortgaan. Volgens hom het die ministerie van finansies deur die regering se pensioenfonds (GIPF) ook openbare inligtingsveldtogte vir afgetredenes in dié verband van stapel gestuur.

“Ons is tans in gesprek met sleutelrolspelers om te sien of daar enige moontlikheid is om af te wyk van die personeelreëls.”
[email protected]

Soortgelyk

 

Een sterfte, 158 nuwe gevalle

6 ure gelede | Gesondheid

Die dood van 'n 22-jarige vrou van die Rundu-distrik skuif die Covid-sterftes op tot 3 574. Gister is 158 nuwe gevalle aangemeld (112 in Windhoek),...

Namibiër by Oxford vereer vir doktorale proefskrif oor waterrregte

10 ure gelede | Onderwys

Ronelle Rademeyer - ‘n Namibiër wat aan die Universiteit van Oxford in Engeland in die regte studeer het, is met die Dr. Surya Subedi-prys vir...

130 nuwe gevalle, meeste in Windhoek

1 dag gelede | Gesondheid

Gister is 130 nuwe gevalle aangemeld, 'n positiewe koers van 8,4%. Die meeste (97) is in Windhoek aangeteken. Die nuwe gevalle sluit 13 studente, 11...

Uitstel van eksamens: Integriteit van eksamen, kwalifikasie moet beskerm...

2 dae gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

2 dae gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

2 dae gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

2 dae gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

2 dae gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

2 dae gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...