Protes teen granietmyn

Erwin Leuschner – ’n Boer van die plaas Groß-Okanjou, wes van Omaruru, het die grootskaalse myn van graniet op sy plaas toevallig ontdek. “Ons het vroeër niks gehoor of gesien nie. Die granietberg is effens weggesteek aan die punt van ons noordelike grens. By daai punt deel vyf plase ’n gemeenskaplike grens,” sê mnr. Immo Vogel. Mnr. Reynold Goliath, eienaar van een van die plase, het glo ’n sake-ooreenkoms met die Chinese onderneming Royal Unity Mining Investment aangegaan. “Die probleem is nie die Namibiër óf die Chinese het ’n wettige mynboulisensie nie – nie vir myn of prospekteer nie,” sê Vogel. “Die grootste probleem is die werkers het my gebied met hul swaar masjinerie betree. Hulle het die grensdrade, ’n plek waar ons skemerkelkies gaan drink het en rotstekeninge wat etlike eeue oud is, vernietig.” Volgens Vogel het hy die werkers gevra om hul mynlisensie te toon, waarna hulle een van 2013 aan hom gewys het. Hy sê hy het die ministerie van die omgewing en toerisme, die ministerie van myne en energie, en die Nasionale Erfenisraad (NHC) skriftelik gekontak, maar daar het glo dadels van gekom. Vogel het hom nou saam met ’n buurman van die plaas Etendero tot regshulp gewend.Hulle het ’n klag van die onwettige betreding sowel as die vernietiging van privaat eiendom ingedien en die plaasgrens duidelik gemerk. Me. Beverly van Wyk, NHC-woordvoerder, sê dit is betreurenswaardig wanneer kultuurerfnis verlore gaan.“Ons moet ons erfnis beskerm en bewaar. Indien geskiedkundige rotstekeninge by die granietberg voorkom, moet ’n impakstudie van die kultuurerfnis gemaak word voor mynbou-aktiwiteite van stapel gestuur kan word,” sê sy. Mnr. Andreas Simon, woordvoerder van die ministerie van myne energie, is bewus van die saak en het dit aan die kommissie vir minerale- en ander regte oorhandig. “Daar is baie vrae. Die boer moet toestemming gee voor daar gemyn kan word,” sê hy. Goliath kon nie vir kommentaar bereik word nie, en min inligting is oor Royal Unity Mining Investment beskikbaar. eleuschner@az.com.na

Protes teen granietmyn

Kommentaar

Republikein 2025-12-12

Meld asseblief aan om kommentaar te lewer

Protes teen granietmyn

Kommentaar

Republikein 2025-12-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.