Proewe vir skoleweke die beginpunt vir 2019

Andrew Poolman - Alle oë is môre en Woensdag op die ambisieuse jong rugbyspelers wat hoop om vanjaar die Namibiese o.16- en o.18-skolerugbyspanne te haal.Proewe word op die twee dae by die Hage Geingob-stadion aangebied, waaraan spanne uit elke streek van die land deelneem. Nog twee vyftientalle, die Sollie Duiker- en Hage Geingob-spanne onderskeidelik vir o.16's en o.18's, word vandag ná afsonderlike proewe vanaf 10:00 saamgestel uit spelers wat in hul onderskeie streekspanne oor die hoof gesien is.Die Namibiese o.16's is soos tradisioneel ingedeel om aan die Grant Khomo-week te gaan deelneem, wat vanjaar op Witrivier in Mpumalanga aangebied word (24 -28 Junie).Die SA onder 18 Akademieweek word van 17 tot 20 Junie by Grey Kollege in Bloemfontein gehou.Die program vir môre se proefwedstryde is soos volg:08:00 Khomas teen //Kharas (o.16)08:30 Khomas teen //Kharas (o.18)09:00 Noorde teen Erongo (o.16)09:30 Noorde teen Erongo (o.18)10:00 Sollie Duiker XV teen Hardap (o.16)10:30 Hage Geingob XV teen Hardap (o.18)11:00 Khomas teen Sollie Duiker XV (o.16)11:30 Khomas teen Hage Geingob XV (o.18)12:00 Hardap teen Noorde (o.16)12:30 Hardap teen Noorde (o.18)13:00 Erongo teen //Kharas (o.16)13:30 Erongo teen //Kharas (o.18)14:00 Khomas teen Hardap (o.16)14:30 Khomas teen Hardap (o.18)15:00 Erongo teen Sollie Duiker XV (o.16)15:30 Erongo teen Hage Geingob XV (o.18)16:00 //Kharas teen Noorde (o.16)16:30 //Kharas teen Noorde (o.18)Woensdag word die proewe vanaf 08:00 tot 13:30 voortgesit.Die streekspan wat die o.16-proewe wen, word met die Jacques Burger-trofee vereer, terwyl die beste streekspan by die o.18-proewe die Hermann Rust Junior-trofee inpalm. Die huidige trofeehouers is onderskeidelik Khomas o.16 en Noorde o.18.Woensdag om 14:00 oorhandig Momentum amptelik sy jaarlikse borgskap vir die landwye nasionale hoërskoleligas, terwyl die o.16 en o.18 nasionale oefengroep met die oog op volgende maand se provinsiale toernooie in Suid-Afrika ook aangekondig sal word.Die uitgesoekte oefengroep sal reeds Donderdag en Vrydag aan vaardigheid- en kondisioneringstoetse onderwerp word. Die aankondiging van die finale toerspanne word Saterdag omstreeks 12:00 gedoen, ná afloop van verdere groepaktiwiteite vroeër die oggend.• Nog 'n opwindende vooruitsig vir die land se topspelers is die mini-reeks van twee “toetswedstryde” op Walvisbaai tussen die o.18-spanne van Namibië en die besoekende Georgië, wat later vanjaar beplan word.

Proewe vir skoleweke die beginpunt vir 2019

Kommentaar

Republikein 2025-11-05

Meld asseblief aan om kommentaar te lewer

Proewe vir skoleweke die beginpunt vir 2019

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.