Proe die passie
‘n Tsumeb-gesin is oorgehaal vir die uitdagings van die kitskosbedryf.
Augetto Graig – Donovan Plaatjes en sy pragtige vrou, Lizelle, is die nuwe eienaars van Debonairs en Steers in die Tsumeb Mall.
Die paartjie bestuur ook die ondernemings terwyl Lizelle boonop bedags by ‘n plaaslike bank werk.
Hoewel dit beide se eerste keer aan die stuur van ‘n kitskosonderneming is, het hulle ‘n magdom sakekennis en ervaring, onder meer opgedoen by Donovan se transportbesigheid op Oshikango. Dié is onlangs verkoop.
Ná tien jaar in die verre Noorde was die trek na Tsumeb ‘n redelike aanpassing vir die jong gesin. Die egpaar het ‘n tienjarige seun, asook twee dogters van onderskeidelik 4 jaar en 21 maande oud.
Die eise van ‘n gesinslewe saam met al die administratiewe en bouwerk van die twee aangrensende eetplekke, het by tye die stresvlakke laat styg, erken hulle. Dit was als die moeite werd. Op 3 Augustus is die amptelike opening met vrolike fanfare gevier. Teen daardie tyd het die kosbedryfgogga diep gebyt, sê Donovan.
Tans bied 17 werknemers uitstekende diens en topgehalte kitskos aan die honger klante wat op die tuindorp woon of dit besoek.
“Ek is baie beïndruk deur die gemeenskap se ondersteuning. Dis wonderlik,” sê Donovan.
“Ek is self ‘n klant aangesien ek nog altyd gek was oor Steers en Debonairs. Ek wil behoorlike pizza eet, daarom wil ek die standaard handhaaf.”
Volgens Donovan ervaar hy die ekonomiese knyp waarin Namibië is.
“Beslis. Noudat die einde van die maand verby is en die aanvanklike belangstelling ná die openingsweek afgeneem het, is besigheid stadiger.
“Almal voel die ekonomiese druk, maar die ondersteuning van die gemeenskap is die belangrikste.
“Ek wou paniekerig raak, maar het besluit om dit rustig te vat en die tyd te benut deur papierwerk op datum te bring.
“Ons maak staat op mondelinge advertensies en ons benadering van ‘gehalte bo hoeveelheid’,”sê Donovan.
Die nuwe Debonairs en Steers op Tsumeb is ook daartoe verbind om die plaaslike gemeenskap te ondersteun deur soveel as moontlik produkte van boere en handelaars in die omgewing te koop.
“Ek probeer terugploeg deur onder meer sover moontlik by plase te koop soos al ons aartappels en ander groente,” sê Donovan.
Sy werknemers is vir hom ‘n groot bron van hoop, en hy sê die beduidende verskil in hul diensvaardighede sedert hulle opleiding ontvang het. Newco en Famous Brands, die franchisegewers, het steun en opleiding gebied om werkers en werksaamhede op standaard te bring.
Ná ‘n week lange besoek van ‘n opleidingsbestuurder was Donovan verseker sy personeel was gereed en kon die deure oopmaak.
“Dit was wonderlik om te sien hoe almal geweet het wat om te doen en hoe alles in plek geval het.
“Dit was net so wonderlik om te sien hoe my werkers hulself verbeter en met hoeveel gemak hulle hul onderskeie take bemeester. Ek is baie trots op my span.”
Donovan se ander trots is vrou wat hy sy “Superwoman” noem. “Sonder haar sou ek dit nie kon doen nie.”
Lizelle sê sy bly opgewonde. “Ek raak nie meer moeg nie. Sodra ek klaar gewerk is by die bank kom help ek hier.
“My dogters hou ook baie daarvan om hier te wees – die jongste omdat sy gek is oor roomys en die oudste omdat sy is lief is vir kosmaak. Sy noem die besigheid die ‘pizza-werk’ en omdat daar altyd deeg gereed is, dink sy dit is ‘n wonderlike plek.”
Die paartjie bestuur ook die ondernemings terwyl Lizelle boonop bedags by ‘n plaaslike bank werk.
Hoewel dit beide se eerste keer aan die stuur van ‘n kitskosonderneming is, het hulle ‘n magdom sakekennis en ervaring, onder meer opgedoen by Donovan se transportbesigheid op Oshikango. Dié is onlangs verkoop.
Ná tien jaar in die verre Noorde was die trek na Tsumeb ‘n redelike aanpassing vir die jong gesin. Die egpaar het ‘n tienjarige seun, asook twee dogters van onderskeidelik 4 jaar en 21 maande oud.
Die eise van ‘n gesinslewe saam met al die administratiewe en bouwerk van die twee aangrensende eetplekke, het by tye die stresvlakke laat styg, erken hulle. Dit was als die moeite werd. Op 3 Augustus is die amptelike opening met vrolike fanfare gevier. Teen daardie tyd het die kosbedryfgogga diep gebyt, sê Donovan.
Tans bied 17 werknemers uitstekende diens en topgehalte kitskos aan die honger klante wat op die tuindorp woon of dit besoek.
“Ek is baie beïndruk deur die gemeenskap se ondersteuning. Dis wonderlik,” sê Donovan.
“Ek is self ‘n klant aangesien ek nog altyd gek was oor Steers en Debonairs. Ek wil behoorlike pizza eet, daarom wil ek die standaard handhaaf.”
Volgens Donovan ervaar hy die ekonomiese knyp waarin Namibië is.
“Beslis. Noudat die einde van die maand verby is en die aanvanklike belangstelling ná die openingsweek afgeneem het, is besigheid stadiger.
“Almal voel die ekonomiese druk, maar die ondersteuning van die gemeenskap is die belangrikste.
“Ek wou paniekerig raak, maar het besluit om dit rustig te vat en die tyd te benut deur papierwerk op datum te bring.
“Ons maak staat op mondelinge advertensies en ons benadering van ‘gehalte bo hoeveelheid’,”sê Donovan.
Die nuwe Debonairs en Steers op Tsumeb is ook daartoe verbind om die plaaslike gemeenskap te ondersteun deur soveel as moontlik produkte van boere en handelaars in die omgewing te koop.
“Ek probeer terugploeg deur onder meer sover moontlik by plase te koop soos al ons aartappels en ander groente,” sê Donovan.
Sy werknemers is vir hom ‘n groot bron van hoop, en hy sê die beduidende verskil in hul diensvaardighede sedert hulle opleiding ontvang het. Newco en Famous Brands, die franchisegewers, het steun en opleiding gebied om werkers en werksaamhede op standaard te bring.
Ná ‘n week lange besoek van ‘n opleidingsbestuurder was Donovan verseker sy personeel was gereed en kon die deure oopmaak.
“Dit was wonderlik om te sien hoe almal geweet het wat om te doen en hoe alles in plek geval het.
“Dit was net so wonderlik om te sien hoe my werkers hulself verbeter en met hoeveel gemak hulle hul onderskeie take bemeester. Ek is baie trots op my span.”
Donovan se ander trots is vrou wat hy sy “Superwoman” noem. “Sonder haar sou ek dit nie kon doen nie.”
Lizelle sê sy bly opgewonde. “Ek raak nie meer moeg nie. Sodra ek klaar gewerk is by die bank kom help ek hier.
“My dogters hou ook baie daarvan om hier te wees – die jongste omdat sy gek is oor roomys en die oudste omdat sy is lief is vir kosmaak. Sy noem die besigheid die ‘pizza-werk’ en omdat daar altyd deeg gereed is, dink sy dit is ‘n wonderlike plek.”
Kommentaar
Republikein
Geen kommentaar is op hierdie artikel gelaat nie