Pritzen oordonder Tour de Windhoek
Die gesogte toer van nagenoeg 340 km is deur 'n gebore Namibiër uit die buurland ingepalm.
Tielman van Lill - Marc Pritzen, die gebore Windhoeker en tans Suid-Afrika se o.23-padfietskampioen, het sy staal gewys toe hy gister sy eerste triomf in die 2019 Pupkewitz Megabuild Tour de Windhoek beklink het, wat opnuut deur die kragtige professionele jaers en spanne uit die buurland oorheers is.
Die 20-jarige ryer van Kemptonpark, in samewerking met sy spanmaats van die OfficeGuru-span, het vanuit die staanspoor met die geeltrui gedomineer om die jaarlikse elite fietstoer in en om Windhoek te wen.
Pritzen se vooruitsigte om die toer te wen, het verder verbeter toe sy vernaamste uitdager en verdedigende kampioen, Nolan Hoffman, geval het en hom uit die toer moes onttrek.
Uiteindelik was Pritzen nie net die toerwenner nie, maar het ook met die algehele wit trui (beste o.23-ryer) en die groen trui (beste naelryer) weggestap. David Maree was koning van die bergskofte (polkatrui), terwyl Ingram Cuff die rooi trui as die beste Namibiese jaer verseker het, met sy algehele elfde eindposisie.
Die toer het uit vyf skofte in drie dae bestaan. Die opwindende kermesse Saterdagnamiddag in die middestad is die enigste skof waarin die vroue nie betrokke was nie.
Michelle Vorster se oorwinning in die vrouetoer was nie onverwags nie, maar was nietemin 'n waardevolle mylpaal op haar herstelpad na volle selfvertroue, nadat sy vroeër vanjaar deur 'n motoris raakgery is en in haar opbou na volgende jaar se Olimpiese Spele.
Haar Suid-Afrikaanse spanmaat vir Pupkewitz Megabuild, Danielle Strydom, het die beste in die bergskofte gevaar, met Courtney Smith (CustomisedCycling Bioplus) loshande die beste naelryer.
“Die Tour de Windhoek is ontsettend belangrik om die standaard van ons padfietsry hoog te hou en op te hef. Die spanwerk en taktiek was insiggewend en dit was ook 'n tree vorentoe vir die toer dat ons ses spanne in die vrouekompetisie kon hê,” het mnr. Rolf Adrian tydens die prysoorhandiging namens die Namibiese Fietsryfederasie gesê.
VRYDAG
Die toer het Vrydagoggend oos van Windhoek by die Dordabispad begin, waar Pritzen die eerste skof van 107 kilometer in 2 ure 36 minute 38 sekondes gewen het.
Pritzen het die krane na die eindstreep oopgedraai om David Maree (Enza/PBC, tweede) en Louis Visser (TEG Procycling) in dieselfde tyd te klop. Chris Jooste (ACDC) was in 2:36:43 vierde, met Dylan Girdlestone (OfficeGuru Racing) in 2:36:47 vyfde.
In die vroueresies van 66 km het Michelle Vorster (Pupkewitz Megabuild) in 2:05:21 geseëvier, met Courtney Smith (CustomizedCycling Bioplus) tweede in 2:05:58. Derde was Danielle Strydom (Pupkewitz Megabuild) 2:05:59, vierde Genevieve Weber (FLM Ladies) 2:05:59 en Michelle Döman (FLM Ladies) vyfde in 2:06:02.
• Vrydagnamiddag is 'n spantydtoets by die Tony Rust-renbaan afgeblits, waar Pritzen en sy span met die louere oor 15.6 km weggestap het. Die TEG Pro-span was tweede en Luso AC/DC derde.
By die skoner geslag het Food Lovers Market (19:45) daarin geslaag om Pupkewitz Megabuild (20:03) en Lumber City (20:51) oor die 10.6 km te klop.
Ná die eerste twee skofte was die manspanne se stand soos volg: 1 Luso AC/DC (8:15:10), 2 OfficeGuru Racing (8:15:28), 3 TEG Pro Cycling (8:32:33).
Vroue: 1 Pupkewitz Megabuild (6:37:30), 2 FLM Ladies (6:46:07), 3 Hollard myLife (6:48:31).
SATERDAG
Die derde skof oor 90 km op die westelike verbypad het aan Louis Visser behoort, met Marc Pritzen as draer van die geel trui tweede en Dylan Girdlestone derde.
Ná die skof het Pritzen steeds die toer se voorloper gebly, met Visser tweede en David Maree derde.
By die vroue (66 km) was Genevieve Weber en Michelle Döman onderskeidelik tweede en derde teen die jong Suid-Afrikaner Courtney Smith.
Michelle Vorster het steeds die geel trui behou, met Smith tweede en Weber derde.
Die eerste vyf ryers se tye vir die derde skof: 1 Louis Visser (TEG Pro Cycling) 2:06:34, 2 Marc Pritzen (OfficeGuru Racing) 2:06:34, 3 Dylan Girdlestone (OfficeGuru) 2:06:39, 4 Travis Stedman (Pro Touch SpiderTech) 2:06:39, 5 Chris Jooste (Luso AC/DC) 2:06:39.
Vroue: 1 Courtney Smith (Customized Cycling-Bioplus) 2:01:53, 2 Genevieve Weber (FLM Ladies) 2:01:53, 3 Michelle Döman (FLM Ladies) 2:01:54, 4 Michelle Vorster (Pupkewitz Megabuild) 2:01:54, 5 Irene Steyn (Hollard myLife) 2:01:54.
• Skof nommer vyf, die kermesse van 1.7 km per rondte, het by Pupkewitz MegaBuild weggespring en by die Snymansirkel gedraai waarna die ryers die speke na die duikweg laat sing het om weer links vir die volgende rondte by Pupkewitz te draai.
Die OfficeGuru-span van Pritzen het goed saamgewerk terwyl hy agter in die bondel kon sit om sy bene te spaar terwyl sy spanmaats die pas gejaag het. Nolan Hoffman, wenner van 2018, het die sneltrein van jaers eerste oor die eindstreep gelei.
GISTER
Pritzen palm ook die laaste skof oor 80 km in om sy eerste triomf in die 2019 Pupkewitz Megabuild Tour de Windhoek te konsolideer.
Visser eindig tweede in die laaste skof met Maree derde. Michelle Vorster eindig eerste met Risa Dreyer tweede en Courtney Smith derde in die laaste skof oor 53 km.
Die tye vir die topvyf ryers in die laaste skof: 1 Marc Pritzen 1:51:02, 2 Louis Visser 1:52:53, 3 David Maree 1:52:53, 4 Chris Jooste 1:52:53, 5 Dylan Girdlestone 1:52:53.
Vroue: 1 Michelle Vorster 1:35:04, 2 Danielle Strydom (Pupkewitz Megabuild) 1:35:52, 3 Risa Dreyer (Delush) 1:36:39, 4 Courteney Webb (Pupkewitz Megabuild) 1:37:53, 5 Courtney Smith (CustomizedCycling Bioplus) 1:37:57.
Die individuele mansryers se finale stand ná afloop van die toer: 1 Marc Pritzen (OfficeGuru) 6:34:14, 2 Louis Visser (TEG Pro Cycling) 6:36:05, 3 David Maree (Team Enza/PBC) 6:36:09, 4 Chris Jooste (Luso AC/DC) 6:36:14, 5 Dylan Girdlestone (OfficeGuru) 6:36:18.
Die vroue se finale stand: 1 Michelle Vorster (Pupkewitz Megabuild) 5:42:18, 2 Risa Dreyer (Delush) 5:44:46, 3 Courtney Smith (Customized Cycling-Bioplus) 5:45:47, 4 Genevieve Weber (FLM Ladies) 5:45:49, 5 Courteney Webb (Pupkewitz Megabuild) 5:46:02, 6 Irene Steyn (Hollard myLife) 5:46:04, 7 Michelle Döman (FLM Ladies) 5:46:12, 8 Danielle Strydom (Pupkewitz Megabuild) 5:49:56, 9 Antja du Toit (Lumber City Ladies) 5:51:52, 10 Anneke Steenkamp (Hollard myLife) 5:52:29.
Sestien manspanne en ses vrouespanne het aan die toer deelgeneem.
Die 20-jarige ryer van Kemptonpark, in samewerking met sy spanmaats van die OfficeGuru-span, het vanuit die staanspoor met die geeltrui gedomineer om die jaarlikse elite fietstoer in en om Windhoek te wen.
Pritzen se vooruitsigte om die toer te wen, het verder verbeter toe sy vernaamste uitdager en verdedigende kampioen, Nolan Hoffman, geval het en hom uit die toer moes onttrek.
Uiteindelik was Pritzen nie net die toerwenner nie, maar het ook met die algehele wit trui (beste o.23-ryer) en die groen trui (beste naelryer) weggestap. David Maree was koning van die bergskofte (polkatrui), terwyl Ingram Cuff die rooi trui as die beste Namibiese jaer verseker het, met sy algehele elfde eindposisie.
Die toer het uit vyf skofte in drie dae bestaan. Die opwindende kermesse Saterdagnamiddag in die middestad is die enigste skof waarin die vroue nie betrokke was nie.
Michelle Vorster se oorwinning in die vrouetoer was nie onverwags nie, maar was nietemin 'n waardevolle mylpaal op haar herstelpad na volle selfvertroue, nadat sy vroeër vanjaar deur 'n motoris raakgery is en in haar opbou na volgende jaar se Olimpiese Spele.
Haar Suid-Afrikaanse spanmaat vir Pupkewitz Megabuild, Danielle Strydom, het die beste in die bergskofte gevaar, met Courtney Smith (CustomisedCycling Bioplus) loshande die beste naelryer.
“Die Tour de Windhoek is ontsettend belangrik om die standaard van ons padfietsry hoog te hou en op te hef. Die spanwerk en taktiek was insiggewend en dit was ook 'n tree vorentoe vir die toer dat ons ses spanne in die vrouekompetisie kon hê,” het mnr. Rolf Adrian tydens die prysoorhandiging namens die Namibiese Fietsryfederasie gesê.
VRYDAG
Die toer het Vrydagoggend oos van Windhoek by die Dordabispad begin, waar Pritzen die eerste skof van 107 kilometer in 2 ure 36 minute 38 sekondes gewen het.
Pritzen het die krane na die eindstreep oopgedraai om David Maree (Enza/PBC, tweede) en Louis Visser (TEG Procycling) in dieselfde tyd te klop. Chris Jooste (ACDC) was in 2:36:43 vierde, met Dylan Girdlestone (OfficeGuru Racing) in 2:36:47 vyfde.
In die vroueresies van 66 km het Michelle Vorster (Pupkewitz Megabuild) in 2:05:21 geseëvier, met Courtney Smith (CustomizedCycling Bioplus) tweede in 2:05:58. Derde was Danielle Strydom (Pupkewitz Megabuild) 2:05:59, vierde Genevieve Weber (FLM Ladies) 2:05:59 en Michelle Döman (FLM Ladies) vyfde in 2:06:02.
• Vrydagnamiddag is 'n spantydtoets by die Tony Rust-renbaan afgeblits, waar Pritzen en sy span met die louere oor 15.6 km weggestap het. Die TEG Pro-span was tweede en Luso AC/DC derde.
By die skoner geslag het Food Lovers Market (19:45) daarin geslaag om Pupkewitz Megabuild (20:03) en Lumber City (20:51) oor die 10.6 km te klop.
Ná die eerste twee skofte was die manspanne se stand soos volg: 1 Luso AC/DC (8:15:10), 2 OfficeGuru Racing (8:15:28), 3 TEG Pro Cycling (8:32:33).
Vroue: 1 Pupkewitz Megabuild (6:37:30), 2 FLM Ladies (6:46:07), 3 Hollard myLife (6:48:31).
SATERDAG
Die derde skof oor 90 km op die westelike verbypad het aan Louis Visser behoort, met Marc Pritzen as draer van die geel trui tweede en Dylan Girdlestone derde.
Ná die skof het Pritzen steeds die toer se voorloper gebly, met Visser tweede en David Maree derde.
By die vroue (66 km) was Genevieve Weber en Michelle Döman onderskeidelik tweede en derde teen die jong Suid-Afrikaner Courtney Smith.
Michelle Vorster het steeds die geel trui behou, met Smith tweede en Weber derde.
Die eerste vyf ryers se tye vir die derde skof: 1 Louis Visser (TEG Pro Cycling) 2:06:34, 2 Marc Pritzen (OfficeGuru Racing) 2:06:34, 3 Dylan Girdlestone (OfficeGuru) 2:06:39, 4 Travis Stedman (Pro Touch SpiderTech) 2:06:39, 5 Chris Jooste (Luso AC/DC) 2:06:39.
Vroue: 1 Courtney Smith (Customized Cycling-Bioplus) 2:01:53, 2 Genevieve Weber (FLM Ladies) 2:01:53, 3 Michelle Döman (FLM Ladies) 2:01:54, 4 Michelle Vorster (Pupkewitz Megabuild) 2:01:54, 5 Irene Steyn (Hollard myLife) 2:01:54.
• Skof nommer vyf, die kermesse van 1.7 km per rondte, het by Pupkewitz MegaBuild weggespring en by die Snymansirkel gedraai waarna die ryers die speke na die duikweg laat sing het om weer links vir die volgende rondte by Pupkewitz te draai.
Die OfficeGuru-span van Pritzen het goed saamgewerk terwyl hy agter in die bondel kon sit om sy bene te spaar terwyl sy spanmaats die pas gejaag het. Nolan Hoffman, wenner van 2018, het die sneltrein van jaers eerste oor die eindstreep gelei.
GISTER
Pritzen palm ook die laaste skof oor 80 km in om sy eerste triomf in die 2019 Pupkewitz Megabuild Tour de Windhoek te konsolideer.
Visser eindig tweede in die laaste skof met Maree derde. Michelle Vorster eindig eerste met Risa Dreyer tweede en Courtney Smith derde in die laaste skof oor 53 km.
Die tye vir die topvyf ryers in die laaste skof: 1 Marc Pritzen 1:51:02, 2 Louis Visser 1:52:53, 3 David Maree 1:52:53, 4 Chris Jooste 1:52:53, 5 Dylan Girdlestone 1:52:53.
Vroue: 1 Michelle Vorster 1:35:04, 2 Danielle Strydom (Pupkewitz Megabuild) 1:35:52, 3 Risa Dreyer (Delush) 1:36:39, 4 Courteney Webb (Pupkewitz Megabuild) 1:37:53, 5 Courtney Smith (CustomizedCycling Bioplus) 1:37:57.
Die individuele mansryers se finale stand ná afloop van die toer: 1 Marc Pritzen (OfficeGuru) 6:34:14, 2 Louis Visser (TEG Pro Cycling) 6:36:05, 3 David Maree (Team Enza/PBC) 6:36:09, 4 Chris Jooste (Luso AC/DC) 6:36:14, 5 Dylan Girdlestone (OfficeGuru) 6:36:18.
Die vroue se finale stand: 1 Michelle Vorster (Pupkewitz Megabuild) 5:42:18, 2 Risa Dreyer (Delush) 5:44:46, 3 Courtney Smith (Customized Cycling-Bioplus) 5:45:47, 4 Genevieve Weber (FLM Ladies) 5:45:49, 5 Courteney Webb (Pupkewitz Megabuild) 5:46:02, 6 Irene Steyn (Hollard myLife) 5:46:04, 7 Michelle Döman (FLM Ladies) 5:46:12, 8 Danielle Strydom (Pupkewitz Megabuild) 5:49:56, 9 Antja du Toit (Lumber City Ladies) 5:51:52, 10 Anneke Steenkamp (Hollard myLife) 5:52:29.
Sestien manspanne en ses vrouespanne het aan die toer deelgeneem.
Kommentaar
Republikein
Geen kommentaar is op hierdie artikel gelaat nie