Prioritiseer jou omgewing

Mariselle StofbergWeens die toename in stropery in die land het die Regshulpsentrum (LAC) ? projek van stapel gestuur wat fokus op omgewingsbewustheid en natuurbeskerming onder skole en die jeug. Dit is deel van die program genaamd ‘Vennootskap teen stropery en onwettige wildhandel’ wat deur die Deutsche Gesellschaft für Internationale Zusammenarbeit (GIZ) gefinansier word. Die projek word tans in die Zambezistreek bestuur en is volg op soortgelyke projekte wat die LAC in 2015, 2016 en 2017 in die noordwestelike dele van die land bedryf het. Hierdie projekte het ongeveer 7 000 leerlinge en studente bereik. Die LAC het drie dae se opleiding aan leerlinge van die Gekombineerde Skool Mafuta en Gekombineerde Skool Silumbi in die oostelike dele van die streek gebied. Die opleiding aan 80 leerlinge het onder meer op klimaatsverandering, ekosisteme, biodiversiteit, wildsmisdade en die bestuur van hulpbronne gefokus. “Die LAC staan die owerhede by om omgewings- en wildmisdade te bekamp. Ons moet ons gemeenskap kan oplei om iets positiefs by te dra tot die samelewing en nie net poog om die misdade stop te sit nie,” het mnr. Hans-Christian Mahnke van die LAC gesê “Ons wil aan leerlinge die geleentheid bied om ook deel te neem aan die gesprekke en debatte rondom die kwessie. Ons kinders kan die verandering wees wat ons so graag wil sien, en hulle is immers diegene wat die gevolge moet dra van wat ons aan die omgewing en planeet doen.” Me. Diana Khama, die staatsaanklaer by die Katima Mulilo-landdroshof, het ook die leerlinge besoek. “Ek het die geleentheid baie geniet. Dit was wonderlik om te sien hoe ontvanklik die leerlinge vir die inligting en wys die belangrikheid van die werk wat hier gedoen word.”Die leerlinge is ook besoek deur onder andere mnr. Ekkehard Klingelhoefer van Unam se departement van wildlewebestuur en ekotoerisme op Katima Mulilo en me. Joy Mamili, die streeksdirekteur van onderwys. “Sindikate en misdadigers gebruik soms leerlinge om hul vuil werk te doen, en indien ons hulle bewus kan maak van die georganiseerde misdade en die impak wat dit op ons samelewing het, kan ons hulle die insig gee om die kwessie te verstaan en saam te staan om positiewe bydraes te kan maak,” het Mahnke gesê. Ander borge van die projek sluit in Woermann & Brock We Care, Katima Mulilo Spar, NeoPaints Namibia, die Pupkewitz-stigting, SlowTown Coffee, MegaShade Namibia, Sanlam, Unam se Katima Mulilo-kampus, EduVentures en die Konrad-Adenauer-stigting.

Prioritiseer jou omgewing

Kommentaar

Republikein 2025-05-01

Meld asseblief aan om kommentaar te lewer

Prioritiseer jou omgewing

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie