Prins William kom eersdaags kuier
Pres. Hage Geingob se bywoning van die Statebond-spitsberaad in Londen was uiters suksesvol en 'n koninklike besoek aan Namibië word eersdaags verwag.
Pres. Hage Geingob het Donderdag saam met 45 ander staatshoofde die amptelike opening van die Statebondsberaad as gas van koningin Elizabeth by Buckingham-paleis in Londen bygewoon.
'n Verwelkomingseremonie is later deur die Britse eerste minister, me. Theresa May, en die sekretaris-generaal van die Statebond, me. Patricia Scotland, by Huis Lancester aangebied.
Onder die tema “Op pad na 'n gedeelde toekoms” is sake soos klimaatsverandering, die blou oseaan-handves, 'n regverdige handelstelsel, goeie regeringsbestuur, werkloosheid onder die jeug, armoede-uitwissing en kubersekuriteit deur die staatshoofde bespreek.
Geingob het vroeër vandeesweek ook 'n ontmoeting met prins William, die hertog van Cambridge, by Kensington-paleis gehad waar kwessies soos onderwys en die skep van volhoubare gemeenskappe bespreek is.
Geingob het die prins meegedeel dat Namibië gereed is om in die post-Brexit-fase handel met Brittanje te verbeter.
Hy het Britse ondernemings genooi om na Namibië as die logistieke naaf in die Suider-Afrikaanse Ontwikkelingsgemeenskap (SADC) uit te brei.
Die prins en die president het ook gepraat oor klimaatsverandering, natuurbewaring en die uitdagings wat Namibië as 'n semidroë land, waar herhalende droogtes voorkom, in die gesig staar.
Geingob het die belangrikheid van grondhervorming onderstreep as 'n manier om voorheen benadeelde Namibiërs te bemagtig.
Namibië as 'n toerismebestemming en die verskeie geleenthede vir werkskepping en ekonomiese groei wat dit bied, was ook onder bespreking. Prins William het aangedui hy sal Namibië in die nabye toekoms besoek.
Na afloop van die samesprekings het Geingob dit as “konstruktief en positief vir die toekoms van Namibies-Britse bilaterale samewerking” beskryf.
Altesaam 46 staats- en regeringshoofde van die 53 Statebond-lidlande het die byeenkoms bygewoon.
'n Verwelkomingseremonie is later deur die Britse eerste minister, me. Theresa May, en die sekretaris-generaal van die Statebond, me. Patricia Scotland, by Huis Lancester aangebied.
Onder die tema “Op pad na 'n gedeelde toekoms” is sake soos klimaatsverandering, die blou oseaan-handves, 'n regverdige handelstelsel, goeie regeringsbestuur, werkloosheid onder die jeug, armoede-uitwissing en kubersekuriteit deur die staatshoofde bespreek.
Geingob het vroeër vandeesweek ook 'n ontmoeting met prins William, die hertog van Cambridge, by Kensington-paleis gehad waar kwessies soos onderwys en die skep van volhoubare gemeenskappe bespreek is.
Geingob het die prins meegedeel dat Namibië gereed is om in die post-Brexit-fase handel met Brittanje te verbeter.
Hy het Britse ondernemings genooi om na Namibië as die logistieke naaf in die Suider-Afrikaanse Ontwikkelingsgemeenskap (SADC) uit te brei.
Die prins en die president het ook gepraat oor klimaatsverandering, natuurbewaring en die uitdagings wat Namibië as 'n semidroë land, waar herhalende droogtes voorkom, in die gesig staar.
Geingob het die belangrikheid van grondhervorming onderstreep as 'n manier om voorheen benadeelde Namibiërs te bemagtig.
Namibië as 'n toerismebestemming en die verskeie geleenthede vir werkskepping en ekonomiese groei wat dit bied, was ook onder bespreking. Prins William het aangedui hy sal Namibië in die nabye toekoms besoek.
Na afloop van die samesprekings het Geingob dit as “konstruktief en positief vir die toekoms van Namibies-Britse bilaterale samewerking” beskryf.
Altesaam 46 staats- en regeringshoofde van die 53 Statebond-lidlande het die byeenkoms bygewoon.
Kommentaar
Republikein
Geen kommentaar is op hierdie artikel gelaat nie