Pretdag op bergfietse by Nina

Kom ry fiets in die veld, kampeer in die bos en dans op die plaas Nina oos van Windhoek op Saterdag 17 September. WAAR IS NINA? Vanaf Windhoek, ry verby Hosea Kutako Lughawe en draai regs op die M51 grondpad. Ry 106 km, dan is die Boereverenigingsaal op jou regterkant. WAAR RY EK? Die 10 km is ’n grondpadroete hoofsaaklik vir die jongspan. Die 30 km strek oor drie plase op tweespoorpaadjies met ’n gedeelte grondpad. Die 50 km is ook oor drie plase op tweespoorpaaie met ’n bietjie meer uitdagings as die 30 km, en ’n gedeelte grondpad. WAT NOG? Om 14:00 begin die tydren met standaard voertuie – nie tydrenkarre nie. Dit is ’n skattejag-tydren en nie ’n spoed-tydren nie, met aktiwiteite by elke punt en pryse te wen! Volledige inligting en inskrywingsvorms by Louis de Jager sel. 081 366 6495 of e-pos aan louis@teltech.com.naWAAR SLAAP EK? Ongeveer 50 meter van die saal is ’n area gelyk gemaak vir kampeer. Daar is nie kampplekke afgemerk nie – jy soek ’n plek en slaan jou tent op. Jy kamp in die bos en hoef nie te betaal daarvoor nie. By die kampplek is nie geriewe nie; die ablusiegeriewe is by die saal (50 meter). WAT EET EK? Indien jy die Vrydagaand kom, is dit selfsorg. Saterdagoggend is daar vanaf halfnege koffie en brötchens te koop. Middagtyd is daar hamburgers en kerrie en rys te koop en van 16:00 word die vure aangesteek en jy kan braaipakke plaasvleis koop om op kameeldoringkole te braai. WAT DOEN EK DIE HEELTYD? Die Namibië Brouerye slaan ’n tent op waar almal die dag saamkuier en vanaf 19:00 word die litte losgemaak op die dansvloer. Toegang vir die dag is N$20 vir volwassenes. Vir skoolgaande kinders is dit gratis. WAT KRY EK? Vir die fietsryers: gelukstrekkings, gratis hamburger of kerrie en rys en koeldrank, asook prysgeld vir eerste, tweede en derde plekke op die 30 km en 50 km asook Wimpy geskenkpakke vir alle deelnemers. Vir die tydren se deelnemers is daar pryse vir eerste, tweede en derde. Deelnemers se toegangsfooie is ook ingesluit.Rig navrae aan Human by human@afol.com.na of sel. 081 124 8173.

Pretdag op bergfietse by Nina

Kommentaar

Republikein 2025-07-22

Meld asseblief aan om kommentaar te lewer

Pretdag op bergfietse by Nina

Kommentaar

Republikein 2025-07-22

Meld asseblief aan om kommentaar te lewer

MELD AAN

Advertensie